InfoHub Logo

Almatydaǵy Burger King meıramhanalar jelisine qatysty tekserý aıaqtaldy. Bul tekserý jeli qyzmetkeri Qarataı Álibektiń aryzy negizinde bastalǵan bolatyn. Memlekettik eńbek ınspeksıasy departamenti júrgizgen jospardan tys tekserý kezinde, aryzdanýshynyń aıtqandary rastaldy.

Bul týraly Infohub.kz aqparat agenttigi habarlaıdy.

Eńbek zańnamasynyń buzylýy

Júrgizilgen tekserý barysynda jumys berýshiniń (JSHS "QSR") qyzmetkerlerdiń jalaqysynan kelisimsiz aqshalaı ustalymdar jasaǵany, jalaqyny júıeli túrde keshiktirgeni, naqty jumys istegen ýaqytyn esepke almaǵany jáne mereke kúnderi men demalys kúnderi úshin joǵary mólsherde aqy tólemegeni anyqtaldy. Sondaı-aq, aýysym kesteleri qyzmetkerlerge zańmen belgilengen merzimderdi buza otyryp jetkizilgen.

Kompanıa qyzmetkerlerdi qajetti arnaıy kıimmen jáne jeke qorǵanys quraldarymen qamtamasyz etpegeni, sondaı-aq qyzmetkerlerdi eńbek qaýipsizdigi boıynsha mindetti nusqaýlyqtardan ótkizbeı jumysqa jibergeni de belgili boldy.

Qandaı sharalar qoldanylady?

Tekseris nátıjesinde JSHS "QSR"-ge anyqtalǵan barlyq buzýshylyqtardy mindetti túrde joıý týraly nusqaýlyq berildi. Zań buzýshylyqtar boıynsha QR Ákimshilik quqyq buzýshylyq kodeksiniń 87, 93 jáne 94-baptary boıynsha ákimshilik is qozǵaldy. Eńbek quqyqtary tolyq qalpyna keltirilip, berilgen nusqaýlyqtar oryndalǵanǵa deıin jaǵdaı memlekettik eńbek ınspektorlarynyń baqylaýynda bolady.

Buǵan deıin aqparat quraldarynda Burger King Kazakhstan jelisindegi jaǵdaıǵa baılanysty daý týyndaǵan bolatyn. Áleýmettik jelidegi jazbalar qoǵamda keńinen talqylanyp, kompanıa basshylyǵyna qatysty narazylyqtar aıtylǵan edi. Osy jaǵdaıdan keıin kompanıa ishki tekserý júrgizip, eki sheteldik basshyny jumystan bosatqan bolatyn.