InfoHub Logo

Birikken Ulttar Uıymynyń Adam quqyqtary jónindegi joǵarǵy komısary Folker Túrk Irandaǵy ólim jazalary sanynyń kúrt artýyna alańdaýshylyq bildirdi. Onyń málimetinshe, 2025 jyldyń alǵashqy jartyjyldyǵynda elde keminde 612 adam ólim jazasyna kesilip, úkim oryndalǵan. Bul — ótken jyldyń sáıkes kezeńimen salystyrǵanda eki esege kóp kórsetkish.

BUU ókili Iran bıligin ólim jazasyna moratorıı engizýge jáne bul jazany qoldanýdy shekteýge shaqyrdy. Folker Túrk bul tendensıany "adam quqyqtaryna tikeleı qaýip tóndiretin qubylys" dep atap, halyqaralyq normalarǵa saı kelmeıtinin málimdedi.

Adam quqyqtaryn qorǵaý uıymdary da Iranda ólim jazasynyń jıi qoldanylýy kóbine ádil sotsyz nemese azaptaý arqyly alynǵan aıǵaqtarǵa negizdeletinin aıtyp keledi. Ólim jazasyna kesilgenderdiń kópshiligi esirtkimen baılanysty aıyptar boıynsha, keıbiri saıası nemese dinı sebeptermen sottalǵan.

BUU derekterine súıensek, 2024 jyldyń alǵashqy alty aıynda Iranda 300-ge jýyq adam ólim jazasyna kesilgen. Al 2025 jyly bul kórsetkish eki esege ósip otyr. Uıym bul jaǵdaıdy halyqaralyq quqyqtyń óreskel buzylýy dep baǵalaıdy.

Halyqaralyq qaýymdastyqtyń Iran bıligine qysymy kúsheıip keledi. Alaıda resmı Tegeran ólim jazasyn eldiń ishki isi jáne zańmen belgilengen jaza retinde qorǵap keledi.