InfoHub Logo

Kúndelikti sabaq jospary, geografıa 8 synyp
Taqyryptar:
16 - sabaq. Bıik taýly ólkeler
17 - sabaq. Qazaqstannyń paıdaly qazbalary. Janatyn paıdaly qazbalar.
18 - sabaq. Rýdaly jáne rýdasyz paıdaly qazbalar
19 - sabaq. №3 saramandyq jumys.
20 - sabaq. Qaıtalaý sabaǵy

Synyp: 8
Taqyryby: Bıik taýly ólkeler
Bilimdilik. Qazaqstan bıik taýly ólkeleri týraly, bıiktik beldeýler jáne tabıǵat resýrstary týraly bilimderin qalyptastyrý.
Damytýshylyq. Ártúrli taqyryptyq kartalarmen jumys isteý daǵdylaryn qalyptastyrýdy damytý. Karta boıynsha taýlarǵa sıpattama berý daǵdylaryn qalyptastyrýdy odan ári jalǵastyrý.
Tárbıelik. Otany týraly bilimderin tereńdete kele, otansúıgishtik qasıetin arttyrý, geografıalyq mádenıetke tartý.
Sabaq túri: aralas sabaq
Sabaqty uıymdastyrý formasy: frontaldi
Sabaqty júrgizý ádis - tásilderi: suraq - jaýap
Qural - jabdyqtar: Qazaqstannyń fızıkalyq kartasy, tektonıkalyq jáne geologıalyq kartalar.
Negizgi uǵymdar: bıiktik beldeýlik, bıik taýlar, taý shyńy, muzdyqtar, qazanshuńqyr, jańa tektonıkalyq qozǵalystar.
Nomenklatýra: Soltústik Tán - Shan jotasy, Jońǵar Alataýy, Saýyr, Tarbaǵataı, Altaı, Shý, İle, Zaısan qazanshuńqyrlary, İle Alataýy, Qyrǵyz Alataýy, Talas Alataýy, Ketmen jotasy, Kúngeı Alataýy, Teriskeı Alataýy.

Sabaqtyń barysy:
1. Uıymdastyrý kezeńi Oqýshylarmen amandasý. Túgendeý. Sabaqqa daıyndyǵyn tekserý. Psıhologıalyq daıyndyǵyn tekserý.
2. Úı tapsyrmasyn tekserý kezeńi. (10+1 - 2 mın)
Dápterlerinen kestelerin tekseredi. Keskin kartalaryn tekseredi. Ótken taqyryp boıynsha kelesi suraqtardy qoıady:
1. Qazaqstannyń batysynda qandaı oıpat, qyrattar bar?
2. Alasa taýly ólkelerge qaı taýlar jatady?
3. Jańa taqyrypqa kóshý kezeńi
Kirispe suraqtar qoıylady:
1. Qazaqstannyń qansha aýmaǵyn bıik taýlar alyp jatyr?
2. Bıik taýlarǵa bıiktigi qansha metr bolatyn taýlar jatady?
3. Olar Qazaqstannyń qaı bóligin alyp jatyr? (karta boıynsha anyqtaý)
4. Tektonıkalyq kartadan bıik taýlardyń qaı kezeńderde paıda bolǵanyn anyqtańdar.

3. Jańa taqyrypty meńgerý kezeńi. Alasa taýlar men bıik taýlardy salystyrady. Bul jerde negizgi másele taýlardyń qaı kezeńde qalyptasqanyn salystyra otyryp, jer bederiniń damýynda tektonıkalyq qozǵalystar men geologıalyq ýaqyttyń rolin ashyp kórsetý. Qazaqstan aýmaǵyndaǵy bıik taýlardyń ereksheligin anyqtaý úshin mynadaı tapsyrmalar beredi:
1. Bul taýlardyń barlyǵy derlik paleozoı qatparlyqtarynda qalyptasqanyna qaramastan bıik bolyp kelý sebebin qalaı túsindirýge bolady?
2. Bıik taýly aımaqtardyń búgingi kúnge deıin qalyptasyp, damyp jatqandyǵyn qalaı dáleldeýge bolady?
Keıin muǵalim bıik taýly aımaqtarǵa sıpattama berýdi bastaıdy. Sıpattama berýde jeke taý júıelerine olardyń geografıalyq orny men bul taý, taý júıesine jatatyn taý jotalaryna jáne eń bıik núktelerine toqtalady.

4. Jańa taqyrypty bekitý
Oqýlyq mátinin jáne fızıkalyq kartany paıdalana otyryp taý júıelerine sıpattama berý tapsyrmasyn beredi: 1) qandaı taý jotalarynan turady; 2) eń bıik núkteleri
5. Sabaqty qorytyndylaý
1. Qazaqstan aýmaǵynda qandaı bıik taýlar bar?
2. Olar elimizdiń qaı bóliginde ornalasqan eken?
6. Baǵalaý kezeńi
Sabaq barysynda belsendi qatysyp otyrǵan jáne kartamen jumys istegen oqýshylar baǵalanady.
7. Úıge tapsyrma berý Keskin kartaǵa Qazaqstannyń bıik taýlaryn túsirý. Tapsyrmalaryn aıaqtamaǵan jaǵdaıda olardy sońyna deıin aıaqtaý.