InfoHub Logo

№22 negizgi orta bilim beretin mektep - ınternaty
hımıa jáne bıologıa pánderi muǵalimi
Qabylova Baqyt Asqarovna

BIOLOGIALYQ BÁIGE - TARTYS
Anotasıa
Synyptan tys "Bıologıalyq báıge - tartys" is - sharasy 7 synyp oqýshylaryna usynylyp otyr. Oqýshylarmen sabaq ýaqytynan tys júrgiziletin kópshilik jumystardyń biri – bıologıalyq dıdaktıkalyq oıyndar. Oıyn ústinde balanyń denesimen aqyl - oıy damyp, qabileti men belsendiligi artady. Osy is - shara barysynda dástúrli emes oıyn túrlerin qoldandym. Oqýshylardyń bıologıadan alǵan bilimderin qorytyndylap, densaýlyǵyn shyńdaı otyryp salaýatty ómir saltyn nasıhattaýdy maqsat qylyp qoıdym. Oqýshylar birigip toppen jumys jasaý arqyly pánge qyzyǵýshylyq sezimi oıanady.

"Bıologıalyq báıge - tartys" is - sharasy
7 synyp
Maqsaty:
Bilimdilik: Oqý prosesinde dástúrli emes oıyn túrlerin qoldanyp, oqýshylardyń bıologıadan alǵan bilimderin qorytyndylap bekitý, salaýatty ómir saltyn nasıhattaý, oqýshylardyń densaýlyǵyn shyńdaý;
Damytý: Oqýshylardyń oılanyp, birigip toppen jumys isteý daǵdysyn, dúnıetanymdyq kózqarasyn qalyptastyrý, pánge qyzyǵýshylyq sezimin oıatý. Jan - jaqty tanym prosesterin damytý;
Tárbıelik: Ujymdyq qarym - qatynas, yntymaqtastyq, birlikke tárbıeleý.
Pánaralyq baılanys: deneshynyqtyrý, sýret
Ádis - tásilder: Oıyn túrinde
Resýrstar: Taqta, markerler, A3 formatyndaǵy paraqtar, túrli – tústi stıkerler, paraqqa jazylǵan mátinder, bes saýsaq maketi, ǵalymdar portretteri, sýretter, magnıtter, sheńber, kegl, sekiretin jip, qap, dop.

Jumys barysy:
I. Uıymdastyrý kezeńi
1. Topqa bólý: Sýret taratylyp, sol boıynsha topqa bólinedi.
Muǵalim:
İs - sharaǵa 7 synyptyń bıologıa pánin jaqsy meńgergen "Eń - Eń - Eń"degen oqýshylary qatysyp otyr. Komanda músheleriniń qanshalyqty bıologıa páni men onyń zańdaryn biletinin, kúndelikti ómirde qanshalyqty qoldanatynyn baıqaımyz.
1 júrgizýshi:
Bilim degen bıik shyń,
Baqytqa seni jetkizer
Bilim degen aqylshyń,
Qıyndyqtan ótkizer - dep " Bıologıalyq báıge - tartys" is - sharasynyń sharttarymen tanystyramyn:
1." Bıologıalyq báıge - tartys" is - sharasy sport zalda ótedi.
2. Báıgege 5 oqýshydan eki komanda qatysady.
3. Ár estafeta upaımen sanalady
2 júrgizýshi
Qatal da ádiletti ádil qazylar alqasymen tanystyramyz. Ortaǵa 1komanda "Marjandar " jáne 2 komanda "Ulýlar "shyǵyp ózderin tanystyrady (2 upaı)
1 estafeta "Dopty jeteleý"
"Ysqyryq" belgisimen árbir komanda múshesi dopty jeteleı otyryp, belgige barady da magnıtti taqtada tapsyrmany oryndap keri qaıtady. Estafetany birinshi aıaqtaǵan komanda jeńiske jetedi. (Tolyq jaýapqa 5 upaı)
2 estafeta "Ótkelden ótý"
1. Komandanyń birinshi múshesi shahmat retimen qoıylǵan kegl arasymen bir aıaqpen sekirip ótip, tapsyrmany oryndap, kegl arasymen bir aıaqpen sekirip ornyna qaıtady da komandanyń kelesi múshesine estafetany beredi.
Tapsyrma: Árbir oqýshyǵa ǵylym salalaryna baılanysty termınder beriledi. Ol termınderge anyqtama berilýi kerek. (Tolyq jaýapqa 5 upaı)