InfoHub Logo

Álemge tanymal Coca-Cola kompanıasy Qazaqstanda óz brendimen satylyp jatqan sapasyz sýsyndarǵa qatysty resmı shaǵym túsirdi. Bul týraly kompanıa Ádilet mınıstrligine habarlaǵan.

Bul týraly Infohub.kz aqparat agenttigi habarlaıdy.

Shymkent qalasyndaǵy naryqtarda belgili brend atymen satylǵan kúmándi sýsyndar anyqtaldy. Ádilet mınıstrliginiń málimetinshe, Coca-Cola kompanıasynyń ózi bul jaǵdaıǵa baılanysty shaǵymdanǵannan keıin tekserý bastalǵan.

Jalǵan ónimder anyqtaldy

Mınıstrlik habarlamasynda: «Qalalyq naryqtarda Coca-Cola brendimen jalǵan ónimder satylǵany anyqtaldy. Tekserý júrgizýge negiz bolǵan – quqyq ıelenýshi The Coca-Cola Company kompanıasynyń resmı ótinishi. Onda kompanıa ózderiniń aıryqsha quqyqtarynyń buzylǵanyn jáne qala saýda sórelerinde kúmándi shyǵys tegi bar ónimderdiń paıda bolǵanyn málimdegen», - delingen.

İs sotqa jetti

Anyqtalǵan faktiler boıynsha QR Ákimshilik quqyq buzýshylyq kodeksiniń 158-baby («Basqa taýar belgisin, qyzmet kórsetý belgisin, taýar shyqqan jeriniń ataýyn nemese birdeı taýarlar men qyzmetter úshin uqsas belgilerdi zańsyz paıdalaný») boıynsha ákimshilik is qozǵaldy. İs materıaldary sotqa jiberildi.

Vedomstvo jalǵan ónimderdiń brendterge zıan keltirip qana qoımaı, densaýlyqqa da qaýip tóndiretinin atap ótti. Mundaı sýsyndar kóbine sanıtarlyq talaptar saqtalmaǵan jaǵdaıda daıyndalady.

Qazaqstandyq kásipkerlerge jalǵan ónimderdi satqany úshin zań boıynsha jaýap beretini eskertildi. Mundaı reıdter endi turaqty túrde ótkiziletin bolady.