InfoHub Logo

Sabaqtyń taqyryby: Corel draw ınterfeısimen tanysý (prezentasıasymen)
Sabaqtyń maqsaty:
a) Bilimdilik:
• jańa uǵymdy engizý, qasıetterin qalyptastyrý
• alǵan bilimin júıelep, qorytyndylaýǵa úıretý.
• Oqýshylardy jumystaryna ózderi baǵa berýge, taldaýǵa úıretý.
• Durys qorytyndy jasaýǵa baýlý.
b) Damytýshylyq:
• Qubylystardyń qasıetterin jáne ózara baılanysyn aıyra bilýge, oqylyp otyrǵan materıaldardy josparlaı bilýge, baǵdarlamamen jumys isteý prınsıpin ajyrata bilýge, teorıalyq bilimin praktıkada qoldana bilýge, este saqtaı bilýge úıretý.
• Oqý qabiletin damytý, oqýǵa, jazýǵa, syzýǵa, konspekt jazýǵa úıretý, oqýdyń qajetti tásilderin qoldana bilýge, este saqtaýǵa daǵdylandyrý.
V) Tárbıelik:
• Eńbekke tárbıeleý, qoǵam baılyǵyn molaıtý jolynda eńbek yntasyn arttyrý, eńbekti qurmetteýge, óz mamandyǵyn súıýge, tapsyrmany der kezinde sapaly oryndaýǵa úıretý.
• Bilimge qushtarlyqqa tárbıeleý, bilimniń qajettigin uǵyndyrý, onyń mazmunyn tereń túsinýge qushtarlyǵyn qalyptastyrý. Qubylystarǵa ózinshe baǵa berýge qabiletin qalyptastyrý.

Sabaqtyń túri: Saıahat sabaq
Sabaqtyń tıpi: Jańa sabaq
Sabaqtyń ádisi: nusqaý berý, leksıa elementteri
Pán aralyq baılanys: tarıh
Kórnekiligi: plakat, test, mýltımedıa.

Sabaqtyń barysy:
1. Uıymdastyrý kezeńi
• Oqýshylardy sabaqqa jumyldyrý
• Oqýshylardy túgeldeý
• Oqýshylardyń syrtqy beınesi, dárisqananyń tazalyǵy
• Oqýshylardyń jumysqa daıyndyǵy, jumys ornynyń reti.
• Oqýshylarǵa búgingi sabaq barysy túsindiriledi.

Qalamyzdyń 190 jyldyǵyna oraı kelgen qonaqtar búgin bizdiń kolejimizge at basyn tiredi. Olardy kolejdiń qurylý tarıhy qyzyqtyrady eken. Oǵan kim jaýap bere alady?
Kolejge kelgen qonaqtardy qydyrtýǵa úı tapsyrmasyn oryndap, suraqtarǵa jaýap bergen oqýshylar shyǵady.

2. Úı tapsyrmasyn tekserý, suraý -
• Úı tapsyrmasynyń oryndalýyn tekserý.
• Oqýshy bilimindegi kemshilikterdi saralaý jáne joıý.

Aldyńǵy taqyryptarda Photoshop baǵdarlamasymen tanysqan bolatynbyz. Oqýshylardyń taraýdan alǵan bilimderin tekserý suraqtary:
1. Kompúterlik grafıkada beınelený tásiline qaraı qalaı bólinýi jáne baǵyttary
2. Photoshop baǵdarlamasy qandaı keskindermen jumys jasaıdy?
3. Photoshop baǵdarlamasy terezesin sıpattańyz
4. Photoshop quraldar panelinde qandaı quraldar ornalasqan jáne olardyń qyzmeti qandaı?
5. Túster júıesi týraly ne aıtasyz?

Osy suraqtarǵa jaýap alynǵannan keıin oqýshylardan test alynady. Testke 5 mınýt ýaqyt beriledi.
Test jaýaptary tekserilip jatqanda Photoshop baǵdarlamasy týraly beınerolık kórsetiledi.
Test qorytyndysy jarıalanyp, oqýshylardyń jınaǵan baly aıtylady.

Biz qonaqtarmen birge N. Bekejanov atyndaǵy drama teatrǵa keldik! Teatr tarıhyn kim biledi?

3. Jańa sabaqty túsindirý: aýyzsha baıandaý arqyly túsindirý
Oqýshylardyń qyzyǵýshylyǵyn oıatý, sabaqty bastamas buryn oqýshylardyń jańa taqyrypqa degen yqylasyn, qyzyǵýshylyǵyn arttyrý. Oqýshylardyń jańa taqyrypqa baılanysty oıyn bilý.
Qaralatyn suraqtar:
1. Corel draw baǵdarlamasy týraly túsinik
2. Bas tereze, ınterfeıs elementteri.
3. Qujatty saqtaý, ashý jáne jabý.
4. Jańa qujat qurý.

Teorıadan qysqasha málimet.
Corel DRAW — kez - kelgen dárejeli qıyndyqtaǵy grafıkalyq obektilerdi salýǵa arnalǵan bir emes birneshe baǵdarlamalar jıyny. Oǵan ılústrasıa (mátiniń mazmuny, sýrettpen sıpattaý) daıyndaıtyn (ásirese Corel DRAW), rastrlyq keskinderdi quratyn jáne óńdeıtin (Corel Photo PAINT), mátindi taný jáne rastrlyq keskinderdi jarqyratatyn (trassırovka) (Corel TRACE) baǵdarlamalar jáne kóptegen baǵdarlamalar jatady.
Baǵdarlama ornatylǵanda Windows júıesi menúinde qoldanbalar tańbalary ornalasatyn Corel DRAW toptamasyn quratyn, " Corel DRAW " degen toptamasyn qurady. Bizdiń bólim osy kúrdeli ári myqty baǵdarlamalar toptamasynyń tek qana bir komponentine — ılústrasıa daıyndaıtyn Corel DRAW baǵdarlamasyna arnalǵan.
Baǵdarlamany iske qosý úshin Windows menúindegi Corel DRAW 11 baǵdarlamalar jıynyndaǵy - Corel DRAW 11 belgishesin tańdańdar. Baǵdarlama iske qosylǵannan keıin sender bas terezeni kóresińder.
1 - sýret Qalypty - kúı qatary

Bas tereze, ınterfeıs elementteri.
Terezeniń standartty taqyrybynan keıin birden menú ornalasqan. Kez - kelgen basqa qosymshalardaǵydaı menú baǵdarlama fýnksıalaryna qatynasty qamtamasyz etedi.
Terezeniń sol jaǵyn boılaı ornalasqan batyrmalardy Quraldar paneli dep ataıdy. Bul panel baǵdarlama jumysynyń rejımin tańdaý úshin qyzmet atqarady. Paneldegi quraldy tyshqanmen tańdaǵan kezde, sender baǵdarlamaǵa sýret salaıyn dep jatqandaryńdy, qısyqtardy óndeý, músinderdi, boıaý jıekterin tańdaý nemese júrgizýdi, mátindi terý nemese óndeý t. s. s sıaqty áreketter týraly habarlaısyńdar. Árbir jumystyń túri úshin erekshe qural qarastyrylǵan. Basqarý paneli bas menú astynda ornalasqan. Onda kóbine jıe qoldanylatyn komandalarǵa sáıkes keletin belgisheler: faıldy ashý, saqtaý jáne jabý, almasý býferi júıesi operasıalary, ılústrasıa kórinistiń masshtaby tártibi t. b ornalastyrylǵan. Sender ózderiń jumys barysynda kop qoldanatyn quraldar panelderdi ornatyp alýlaryńyzǵa bolady. Terezeniń oń jaq shekarsy boıymen Túster palıtrasy ornalasqan. Bul sýretshilerdiń boıaýlar úlgisin aralastyrý úshin qoldanatyn túster palıtrasynyń sandyq balamasy. Elektrondyq palıtra sol sıaqty túster úlgisin saqtaıdy. Ol kez - kelgen ýaqytta jańa tústermen tolyqtyrylady nemese qajet emes tústerdi óshirip otyrady.

Corel DRAW terezesiniń tómengi jaǵyn boılaı Qalyp - kúı qatary ornalasqan. Onda tyshqan nusqaǵyshy jaǵdaıy koordınata basymen salystyrǵandaǵy árbir jumys kezeńinde belgilengen obekt týraly málimdeme beınelenedi. Búl aqparattyń basym bóligi qasıetter panelinde orlalaspaǵan (mysaly, quıýdyń tústeri týraly málimet jáne obektini júrgizý), biraq senderge jumys barysynda kómegi qajet bolady. Qalyp - kúı qatarynda tańdalǵan qural jumysy týraly kon - tekstik túsinikteme beınelenedi. Sondyqtan, qalyp - kúı qatarynda beıneletin aqparat Servıs menúindegi Nastroıka dıalogtyq terezesinde ornatylǵan baptaýlarǵa tikeleı baılanysty bolady. Bul dıalogtyq terezede jumys jasaý barysyn yńǵaıly etip alýǵa múmkindik beretin baǵdarlamanyń barlyq baptaýlary jınaqtalǵan.

Bastapqy qoldanýshylar úshin Podskazkı bólimi qajetti bolyp sanalady. Berilgen basqarý element týraly kómek alý úshin, senderge tyshqan nusqaǵyshyn sol elementke alyp baryp, tyshqandy biraz jyljytpaı túrý qajet. Nusqaǵyshtyń janynda qysqa ári nusqa tórtburyshty túsindirme kestesi paıda bolady. Túsindirme kestesi qalyp - kúı jolaǵymen, quraldar panelimen, basqarý panelimen, keıbir qosymsha terezelermen jabdyqtalǵan. Corel DRAW ekranynyń negizgi órisi ılústrasıa qurý úshin bólingen. Ilústrasıa terezesi bastapqyda ılústrasıa quratyn keskin paraǵynan ǵana turady. Paraq jaqtaýlary ılústrasıa terezesiniń qalǵan keńistigine serpilgen bet jaqtaýy kóleńkesimen bólingen. Ilústrasıany tek qana jumys beti dep atalatyn paraqtan asyrmaý qajet. Tek qana sol aýmaqta ornalasqan obektiler ǵana prınter arqyly baspaǵa shyǵarylady. Ilústrasıa terezesiniń qalǵan bóligi, aplıkasıa fıgýralaryn qıyp alyp jumys ústeli keńistigine ýaqytsha ornalastyratyny sıaqty ılústrasıanyń elementterin ýaqytsha saqtaý úshin qoldanylady. Corel DRAW jumys ústeliniń mólsheri ekranda kórinetin bólikten áldeqaıda úlken. Terezeniń kórinbeı turǵan bóligin qujat terezesiniń oń jaq tómengi bóliginde ornalasqan aınaldyrý jolaǵy arqyly kórýge bolady. Kóldeneń aınaldyrý jolaǵynyń sol jaǵynda baǵdarlamanyń erekshe basqarý elementi — navıgator ornalasqan. Ol Corel DRAW qujatyna paraqtar qosýǵa jáne olardyń arasynda aýysýǵa múmkindik beredi. Qujat terezesiniń sol jaq jáne joǵarǵy bólikterinde obektilerdiń koordınatalaryn ólsheýge jáne olardy tegisteýge arnalǵan, ıaǵnı paraqta dál ornalasýyn anyqtaıtyn syzǵyshtar ornalasqan.

Jańa qujat qurý.
CorelDRAW programmasyn iske qosqan kezde árqashanda qujat terezesi ashylady. Eger programma faıl belgisi arqyly ashylmasa ol jańa dokýment bolyp ashylady. Jumys barysynda jańa qujat ashý kerek bolsa File mázirindegi New (Novyı dokýment) komandasyn tańdaý kerek. Nátıjesinde CorelDRAW programmasynyń jańa qujat, taza paraq ashylady.
Eger de jumys barysynda saımandar taqtasynda batyrmalardy izdeý qıyndyq týdyrsa, onda tyshqan kórsetkishin sol batyrmanyń ornalasqan jerine qoıyp 1 - 2 sekýnd jibermeı ustap turý kerek. Sol kezde batyrmanyń qasyna kómekshi menú shyǵady.

Qujattardy ashý jáne jabý.
CorelDRAW qujattaryn ashý barysynda Windows basqa standartty programmalar sıaqty CorelDRAW faılynyń sýreti bar qujattardy tyshqanmen shertý arqyly júzege asyrylady nemese standarty saımandar taqtasynan Open (Otkryt) komandasyn oryndaý kerek.
Sońǵy eki jaǵdaı boıynsha 1. 4 - sýrette kórsetilgendeı dıalogtyq tereze Open Drawing (Otkryt dokýment) ashylady..
Bul dıalogtyq terezede Windows qoldanbaly programmalardyń barlyq túrleri kórsetilgen. Odan basqa da faıldar tiziminiń oń jaǵynda aldyn ala kórý alańy Preview (Predvarıtelnyı prosmotr) bolady ol jerde bizdiń ashaıyq dep otyrǵan faılymyzdyń keskini nemese sýreti kishireıtilgen túrde kórinedi.
(Predvarıtelnyı prosmotr).

1. 4.- sýret. Dıalogtyq tereze Open Drawing

Qujatty saqtaý
CorelDRAW qujattaryn saqtaý standartty saımandar taqtasyndaǵy Save (Sohranıt) komandasy arqyly júzege asady. Eger qujat burynyraq jadyǵa saqtalmasa, ekranǵa sýr. 1. 5. kórsetilgen Save Drawing (Sohranıt dokýment)
dıalogty tereze shyǵady.

1. 5.- sýret

Oqýshylar, qonaqtarymyzben birge A. Toqmaǵanbetov atyndaǵy mádenıet úıine de kelip qalyppyz. Endi oqýshylar osy mádenıet úıi týraly qandaı málimet biledi ekenbiz?
4. Jańa taqyryp boıynsha alǵan bilimderin bekitýge arnalǵan tapsyrmalar.

Tapsyrma№1
Corel draw baǵdarlamasy -

Tapsyrma№2
Oqýshylar tereze elementterin jazyp shyǵýy tıis (12 - slaıd).

Sergitý sát (13 - slaıd) i. Rebýs sheshý. (Jaýaby: aspaptar taqtasy)

Tapsyrma №3 Sáıkestik test (14 - slaıd)

Qonaqtarmen birge «Máńgi alaý alańyna» kelgendigimiz habarlanady. ári qaraı jyljý úshin taǵy tapsyrmalar beriledi (Venn dıagramsy).

Krassvordtar jáne sózjumbaqtar

Tiginen:
1. Qol manıpýlátory
2. Aqparatty saqtaıtyn qurylǵy
3. Monıtor ekranyndaǵy bir núkte
5. Aqparatty engizý qurylǵysy
6. Grekterdiń ejelgi esep quraly
Kóldeneńinen:
4. Iilgish dıskilermen jumys jasaýǵa arnalǵan qurylǵy
7. Kompúterdiń «mıy»
8. Kompúterdiń jadyna grafıkalyq aqparatty engizý qurylǵysy
9. Basylym qurylǵysy
10. Kompúterdiń jeke qurylǵylaryn baılanystyratyn negizgi keńarna (magıstral)
11. Qatqyl dısk.
Jaýaptary:
1. Trekbol. 2. Jad. 3. Pıksel. 4. Dıskjetek. 5. Pernetaqta. 6. Abak. 7. Skaner. 8. Prosesor. 9. Prınter. 10. Shına. 11. Vınchester.

Endi biz vokzalǵa keldik. Munda qonaqtarymyzdan qalamyz týraly pikirlerin surap, shyǵaryp salyp.

5. Sabaqty qorytyndylap, oqýshylardy baǵalaý.
6. Úı tapsyrmasyn berý. «Qarapaıym obektilerdi sýretin salý jáne qasıetterimen tanysý»

Qoldanylǵan ádebıetter
1. A. E. Saǵymbaeva «Kompúterlik grafıka», Almaty 2007j
2. N. T. Ermekov «Kompúterlik grafıka, Almaty 2008j
3. P. A. Mınko «Obrabotka fotografıı v Photoshop» Moskva 2007