InfoHub Logo

Astanada jańadan iske qosylǵan LRT poıyz-poıyzdarynyń jolda kidirip qalýyna qatysty vıdeolar áleýmettik jelide tarady. "City Transportation Systems" (CTS) kompanıasynyń baspasóz qyzmeti bul jaǵdaılarǵa qatysty túsinikteme berdi.

Bul týraly Infohub.kz aqparat agenttigi habarlaıdy.

Jelidegi beınejazbalarda jańa kólik qozǵalmaı turǵany kórinedi. Astanalyqtar bul jaǵdaıdy «LRT isten shyqty» dep ázildep te úlgerdi.

Jolaýshylardyń qaýipsizdik erejelerin buzýy

CTS baspasóz qyzmeti LRT jelisinde jolaýshylardyń qaýipsizdik erejelerin buzýy saldarynan apattyq jaǵdaılar men ýaqytsha kidirister oryn alǵanyn habarlady. Atap aıtqanda, kelesi jaǵdaılar tirkeldi:

Avtomattandyrylǵan júıe jáne qaýipsizdik

«LRT júıesi tolyǵymen avtomattandyrylǵan. Mundaı áreketter júıe tarapynan qaýipsizdikke tóngen qater retinde qabyldanyp, poıyzdyń toqtaýyna jáne dıspecherlik ortalyqtyń qosymsha tekserýlerine ákep soǵady», - dep atap ótti kompanıa ókilderi.

CTS jolaýshylardy LRT-ni paıdalaný erejelerin saqtaýǵa shaqyrdy. «Jelige tok berilgenin esterińizge salamyz. Árbir poıyz quramynda LRT operatory bar, ol qajet bolǵan jaǵdaıda qýatty óshirgennen keıin esikterdi ashady», - dep eskertti kompanıa.

Beınebaqylaý jáne jaýapkershilik

«Barlyq buzýshylar stansıalarda jáne vagondar ishinde ornalasqan beınebaqylaý kameralary arqyly anyqtalady. Anyqtalǵan faktiler boıynsha materıaldar quqyq qorǵaý organdaryna qylmystyq jaýapkershilikke tartý úshin beriledi, sebebi mundaı áreketter jolaýshylar qaýipsizdigine qater tóndiredi jáne LRT-niń turaqty jumysyna áser etedi», - dep málimdedi CTS baspasóz qyzmeti.

Esterińizge sala keteıik, 16 mamyr kúni Qazaqstan Prezıdenti Qasym-Jomart Toqaev Astana LRT-niń jumysyn resmı túrde bastap bergen bolatyn. Memleket basshysy alǵashqy jolaýshy retinde áýejaıdan «Áýejaı» stansıasynan «Ulttyq mýzeı» stansıasyna deıin júrip ótken edi.