InfoHub Logo

Jelide Astanada esirtki qylmysyna qarsy kúres komıtetiniń basshysy Danıar Meırhanǵa qatysty qylmystyq is qozǵalǵany týraly aqparat tarady. Bul jańalyqty Tengrinews.kz saıty jarıalady.

Buǵan deıin áleýmettik jelilerde Danıar Meırhannyń laýazymdyq ókilettigin asyra paıdalandy jáne qyzmetker áıelge tıisti dep kúdiktelgeni týraly aqparat shyqqan bolatyn. Onyń ústinen 20 qyzmetkerinen ujymdyq shaǵym túskeni habarlandy.

İshki ister mınıstrliginiń málimetinshe, birqatar qyzmetkerlerdiń ótinishteri boıynsha materıal belgilengen tártipte tirkelgen.

«Zańnamaǵa sáıkes, árbir ótinish mindetti túrde tirkelip, tekserilýge jatady. Qazirgi ýaqytta barlyq mán-jaıdy jan-jaqty jáne obektıvti anyqtaý maqsatynda tekserý sharalary júrgizilip jatyr. Tergeý múddesi úshin basqa aqparattar jarıa etilmeıdi», - delingen mınıstrliktiń habarlamasynda.

Danıar Meırhan – polısıa polkovnıgi. 2012-2022 jyldary Ońtústik Qazaqstan oblystyq polısıa departamentinde bólim bastyǵynan basqarma bastyǵyna deıingi basshylyq qyzmetterde bolǵan. 2023-2024 jyldary QR İİM Qostanaı akademıasynda bólim bastyǵynan akademıa bastyǵynyń orynbasaryna deıingi laýazymdardy atqardy. 2024 jyldyń qyrkúıeginen bastap – İİM Esirtki qylmysyna qarsy komıteti tóraǵasynyń orynbasary. 2024 jyldyń jeltoqsanynan – Esirtki qylmysyna qarsy komıtetiniń tóraǵasy mindetin atqarýshy. 2025 jyldyń qyrkúıeginen bastap – QR İİM Esirtki qylmysyna qarsy komıtetiniń tóraǵasy.