ult.kz
Darıǵa Nazarbaeva baılar tiziminde 20-orynǵa syrǵydy
Qazaqstannyń Tuńǵysh Prezıdenti Nursultan Nazarbaevtyń úlken qyzy Darıǵa Nazarbaeva Forbes Kazakhstan jarıalaǵan 2026 jylǵy eń baı qazaqstandyqtar reıtıńinde 20-orynǵa syrǵyp tústi. Basylym onyń dáýletin 550 mıllıon dollarǵa baǵalaǵan.
Bul byltyrǵy kórsetkishten tómen. 2025 jyly Darıǵa Nazarbaeva 571 mıllıon dollar kapıtalymen reıtıńtiń 17-satysynda turǵan edi. Basylym onyń baılyǵynyń azaıý sebebin naqty túsindirmegen.
Darıǵa Nazarbaeva uly Nuraly Álıevpen birge «Evropa plús Qazaqstan» radıohabar taratýshysyna ıelik etedi. Osy kompanıa arqyly onyń NTK telearnasy men «Radıosıtı» teleradıokompanıasynda úlesi bar. Sonymen qatar Forbes málimetinshe, ol DLS Group holdıńi arqyly «Narýjnaıa Reklama-Regıony» jáne «Telefabrıka „Dala“» kompanıalarynda úleske ıe.
Al onyń sińlisi Dınara Qulybaeva bıylǵy reıtıńte úshinshi orynǵa kóterilgen. Onyń baılyǵy 5,4 mıllıard dollar dep baǵalandy. Byltyr ol 5,3 mıllıard dollarmen tórtinshi orynda bolǵan.
Dınara Qulybaeva jubaıy Tımýr Qulybaevpen birge «Almeks» holdıńi arqyly Halyk Bank aksıalarynyń 61,99 paıyzyna baqylaý jasaıdy.
Bul týraly Infohub.kz aqparat agenttigi habarlaıdy.
-
2027 jylǵy hokeıden álem chempıonatynda Qazaqstan quramasy kimdermen kezdesetini belgili boldy. Komanda elıtadaǵy ornyn saqtap qalý úshin kúshti qarsylastarmen synǵa túsedi.
-
Dariga Nazarbayeva has dropped to 20th place in Forbes Kazakhstan's 2026 ranking of the wealthiest Kazakhstani citizens, with her fortune estimated at $550 million.
