InfoHub Logo

Májilis depýtaty Baqytjan Bazarbek óziniń jalaqysynyń jetkiliksiz ekenin aıtyp, áıelinen jumys isteýdi suraǵanyn málimdedi. Bul týraly Tengrinews.kz tilshisi habarlaıdy.

Jýrnalıser depýtattarǵa Parlamentten alatyn jalaqysy jete me degen suraq qoıǵanda, Bazarbek bylaı dep jaýap berdi: «Qazirgi jalaqy jetpeıdi. Ózderińiz qarańyz: 500, 700, 800 myń teńge – kimge jetedi? Ásirese, otbasynda 5-6 bala bolsa. Bizdiń keıbir depýtattardyń 5-6 balasy bar», – dedi ol.

Depýtattyń aıtýynsha, tabystyń kóp bóligi turmystyq shyǵyndarǵa, balabaqsha, sport seksıalaryna tólemderge ketedi. «Balany balabaqshaǵa aparý, seksıalarǵa, kıim-keshek alý – oǵan tek 300 myń ketedi. Azyq-túlik baǵasynyń ósip otyrǵanyn eskersek, mıllıon teńge de jetpeıdi», – dedi Bazarbek.

Depýtat óziniń aılyq jalaqysy shamamen 900 myń teńgeden asatynyn aıtty. «Maǵan jeke ózime jetpeıdi. Sondyqtan men áıelimnen de jumys isteýin suradym, sonymen bári sheshildi», – dep qosty ol.

Buǵan deıin Qazaqstan depýtattary óziniń jáne jubaılarynyń tabys deklarasıalaryn jarıalaǵan bolatyn.