InfoHub Logo

Qazaqstanda Májilis depýtattary óz tegin ulttyq úlgige sáıkestendirip, -ov, -ev jalǵaýlarynan bas tartý úrdisin bastady. Bul bastama qoǵamda keń talqylanyp, qoldaý tabýda. Alǵash bolyp jurt nazaryna túsken – aqyn ári depýtat Rınat Zaıtov. Ol óziniń tegin «Zaıt» dep ózgertip, ulttyq sana men tilge degen qurmetin kórsetti.

Osy bastamany endi taǵy bir halyq qalaýlysy – Maqsat Tolyqbaev jalǵastyryp, tegin «Tolyqbaı» dep ózgertti. Qoǵam belsendileri men sarapshylar bul qadamdy oń qabyldady. Máselen, saıasattanýshy Samat Nurtaza áleýmettik jelidegi paraqshasynda áriptesterin quttyqtap, bul úrdisti qoldaıtynyn bildirdi.

«Ótken aıda áriptesim Rınat Zaıtov famılıasyn ózgertip “Zaıt” bolyp edi, endi búgin Maqsat Tolyqbaev áriptesim “Tolyqbaı” boldy. Qutty bolsyn, Zamandastar! Óte jaqsy úrdis!» – dep jazdy ol.

Aıta keteıik, Qazaqstanda azamattardyń óz tegin ulttyq formada jazýyna zań júzinde ruqsat etilgen. Bul úderis erikti túrde júzege asady jáne memlekettik organdar tarapynan qoldaý tappaq.