InfoHub Logo

Qazaqstannyń eńbek sińirgen qaıratkeri Qaraqat Ábildına áleýmettik jelide Dımash Qudaıbergenniń ájesimen birge túsken áserli vıdeony jarıalady. Kadrdan óner ıesiniń qyzyna arnaıy syılyq tabystalyp, aqjarma tilek aıtylǵanyn kórýge bolady.

Bul týraly Infohub.kz aqparat agenttigi habarlaıdy.

Áje Aıalekanyń aq tilegi

Beınejazbada Dımashtyń ájesi Qaraqat Ábildına men onyń qyzyna aq batasyn berip, izgi tilegin arnaǵan. «Qaraqat janym kele jatqan merekeń qutty bolsyn! Aıaleka qudaıdan tilep alǵan qyzyńa baqyt, nesibe, dáýlet, bereke, bárin bersin! Osy gúldi qyzyńa aparyp ber! Gúldeı jaınap júrsin, ómirleriń uzaq bolsyn», – dedi Dımashtyń ájesi.

Qaraqat Ábildınanyń alǵysy

Óz kezeginde Qaraqat Ábildına da aq jaýlyqty anaǵa alǵys aıtyp, qyzynyń bul sátti júregine saqtap qalǵanyn jetkizdi. «Mine, Dımashymyzdyń ájesi, anasy Aıalekama kúshti bata berip jatyr. Ótkende Aıalekama án aıtyp shyqqanda, birinshi qatarda óziniń úlken gúlin bergen. Sol kezde qyzym, maǵan Dımashtyń ájesi úlkeen gúl berdi ǵoı, deıdi. Kishkentaı bolsa da, qarańyzshy balanyń esinde qalǵan. Qandaı keremet! Apaý ómirińiz uzaq bolsyn! Merekeńizben!», – dedi Qaraqat Ábildına.