InfoHub Logo

Álemge tanymal ánshi Dımash Qudaıbergenniń otbasymen birge «Dımash: bir daýys – myń el» kórmesiniń ashylýyna kelgen sáti jelide qyzý talqylanyp jatyr. Ásirese, ánshiniń qymbat kólikten túsken kezdegi áreketi kópshiliktiń nazaryn aýdardy.

Bul týraly Infohub.kz aqparat agenttigi habarlaıdy.

Keıbir jeli qoldanýshylary Dımashtyń qymbat kóliginiń esigin japqandaǵy áreketin «qoranyń esigin japqandaı» nemese «ýazık sıaqty japty» dep sıpattady. Alaıda, kópshiligi ánshiniń qarapaıymdylyǵy men kez kelgen jerde qazaq tilinde sóıleýine, sondaı-aq toı ánshileri sıaqty kúzetshilermen kelmegenine rızashylyǵyn bildirdi.

«Dımash naǵyz patrıot, júrgen jerinde qazaq tilinde sóıleıdi», «Oıbaı» dep qoıady, qandaı qarapaıym», «Toı ánshileri bolsa kúzetshimen keler edi», – dep jazdy olar.