InfoHub Logo

Álemge tanymal ánshi Dımash Qudaıbergenniń jeke ómirine qatysty jańa sybystar jelide tarap, jurtshylyqty eleń etkizdi. Ánshiniń óziniń Threads áleýmettik jelisindegi jazbasy kópshiliktiń qyzý talqylaýyna sebep boldy.

Bul týraly Infohub.kz aqparat agenttigi habarlaıdy.

Dımash Qudaıbergen óziniń jazbasynda úılený toıynyń jaqyn arada ótýi múmkin ekenin meńzep, «Asyǵatyn túk joq, bári Qudaıdyń qolynda. Aldaǵy ýaqytta... Ýaqyt kórsetedi» dep pikir bildirgen. Bul sózder ánshiniń jaqyn arada shańyraq kóteretini týraly boljamdarǵa jeteledi.

Jeli qoldanýshylarynyń pikirleri

Dımash Qudaıbergenniń bul sózderinen keıin áleýmettik jelilerde túrli pikirler aıtyla bastady. Kópshilik ánshiniń jaqyn arada úılenetinine senim bildirse, keıbiri onyń burynnan otbasyly bolýy múmkin degen oılaryn ortaǵa saldy.

«Dımash jaqynda úılenetin sekildi. Aıtýyna qaraǵanda, álde maǵan solaı sezildi me? Adal qyz, adal kelinshek buıyrsyn», – dep jazdy bir jeli qoldanýshysy.

Basqalary «Dımashtyń otbasy bar sıaqty kórinedi maǵan», «Aq mańdaıly, ınabatty qyz buıyrsyn», «Bári Allanyń qolynda» dep pikir qaldyrdy. Bul pikirler ánshiniń jeke ómirine degen qyzyǵýshylyqtyń joǵary ekenin kórsetti.