InfoHub Logo

Tanymal bloger Dınara Sátjan Aqtóbedegi TikTok pen Instagram jelilerinde aqshaǵa bata beretin emshi Baǵdagúldi sotqa berip, onyń qyzmetin tekserýdi talap etti. Bul týraly Infohub.kz aqparat agenttigi habarlaıdy.

Dınara Sátjan emshiniń qyzmetiniń zańdylyǵyna qatysty birqatar suraqtardy alǵa tartty. Ol Baǵdagúldiń aqyly batasynyń aqshasy qaıda túsetinin, salyq tóleı me, adam emdeýge lısenzıasy bar-joǵyn anyqtaýdy suraıdy. Sondaı-aq, emshiniń kıeli zattar satýy men jelilik bızneske qatysty áreketteriniń zańdylyǵyn da tekserýdi talap etti.

Zańsyz áreketter men qorlaý

Bloger emshiniń halyqty aldap, aqsha taýyp otyrǵanyn aıtyp, onyń áreketin ádiletsiz dep baǵalady. «Aýyz ózimdiki eken dep nege eldiń bárin qorlaıdy? Maǵan da “shlúha” dep til tıgizdi. Bul — jarıa túrde qorlaý», — dep ashýlandy Dınara Sátjan.

Ol emshiniń áreketi Qazaqstan Respýblıkasy Qylmystyq kodeksiniń 131-babyna sáıkes, qorlaýǵa jatatynyn eskertti. Sátjan sondaı-aq, emshiniń ózi týraly jalǵan aqparat taratqanyn, memlekettik jobalardan aqsha alady dep aıyptaǵanyn aıtty. Bul máselemen blogerdiń advokaty aınalysyp jatyr.

Sotqa aryz berildi

Dınara Sátjan men onyń advokaty Aqtóbe oblysynyń polısıasyna aryz jazdy. «Ol Zań aıasynda barlyq is-áreketine, aıtqan sózderine jaýap beredi. Bul beıbereketsizdikti toqtatatyn ýaqyt keldi», — dedi bloger.