InfoHub Logo

Qyzylorda oblysy, Qarmaqshy aýdany, Baıqońyr qalasy
«Qarmaqshy aýdandyq bilim bóliminiń» «№277 orta mektebi»
komýnaldyq memlekettik mekemesiniń 10 synyp oqýshysy
Abdrahmanova Aıman Bolatqyzy

«Qyzylorda OİİD EBQKB tarapynan jarıalanǵan saıysqa»

Dostarym, jamandyqqa jolamańdar!

Azdyrǵan bul nashaqorlyq sanany,
Jek kórsetip jaqyn - joldas, aǵany.
Óziń úshin, jolamaǵyn, syılasań,
Jaryq ómir syıǵa bergen anany.

Oıynda aǵalardyń - shylym qoıý,
Qıyn - aq bul indettiń kúshin joıý.
Ókpede ne bop jatyr, beımálim ǵoı,
Aıqysh - uıqysh shyǵar - aý nebir oıý.

Óse kele qaradym aınalama,
Dostarym bólingendeı teń ekige:
Bireýi bilim alyp, talaptansa,
Bireýi qurban bop júr temekige.

Qumarlyq - qurbandyqqa aparar haq,
Densaýlyq - baılyǵyńa túsirip daq.
Bireýler kóshe kezip búlinýde,
Bireýler zor alǵysqa bólenýde.

Aıtshy, dosym, ne paıda taptyń endi,
Esirtki, temekige áýes bolyp.
Jassyń ǵoı, sportpenen shuǵyldanyp,
Kez emes pe júretin dopty qýyp?

Ómirińdi qysqartyp bara jatsyń,
Úńilip erteńińe qaramadyń.
Temeki men araqqa mas bolam dep,
Anańyń júregin de jaraladyń.

Jyl óte, kim bolasyń, ne kóresiń?
Urpaqqa erip kelgen ne beresiń?
Ózińdi elestetseń, kórmeısiń ǵoı,
Ata qyp, jetektegen nemeresin.

Ókinesiń, sen áli keleshekte,
Ýaqytyńnyń ótkeni - aı, tekten - tekke.
Oılaný – ókinýge aparady,
Bul ómir berilmeıdi eki retke!

Oıǵa alyp, esirtkini jerigesiń,
Osylaısha san oıǵa berilesiń.
Múmkin sen túsinbediń ómir mánin
Múmkin erte aýysty seniń esiń.

Ata - babań qalap pa osy jaıdy?
Aıtar sóz, berer aqyl taýsylmaıdy.
Qazirgi ermegińe esiń ketpeı
Oıǵa sal, tarazyla, erteń jaıly!

Dostarym, jamandyqqa jolamańdar!
Jetisip júr deımisiń jolaǵandar?!
Keleshek urpaqtary azat eldiń
Tek qana órge qaraı domalańdar!