InfoHub Logo

Dramatızasıalyq oıyndar:
Aýlada
Maqsaty: Tildik estýdi jáne daýysqa elikteý qabilettiligin damytý.
Qajetti quraldar: Oıynshyq qoraz, taýyq, qaz, torǵaı.
Oıyn barysy: Tárbıeshi óleńdi mánerlep oqıdy jáne sáıkes sýretterdi kórsetedi.
Aq taýyq aý aq taýyq
Aq taýyq neden qaqsaýyq
Ertemen qyt - qyttaıdy
Aýlamyzdan shyqpaıdy.
Balpań basqan úıregim
Bultyńdaıdy búıregiń
Jalpaq tumsyq jem izdep
Qyrqyldaısyń, qoımaısyń
Tamaqqa bir toımaısyń.
Torǵaı – torǵaı toqyldaq
Jerden tary shoqyp ap.
Bótegesi tompaıyp,
«Shıq - shıq» desip otyrmaq.
Tikireıip qulaǵy,
Menen buryn turady.
Boıyn jazyp kerilip,
Beti – qolyn jýady.
Máý – máý, máý – máý.

Án – jyr
Maqsaty: Dybysty durys aıtýdy bekitý. Tildik estýdi jáne tildik belsendiligin, elikteý boıynsha dybys tirkesin jáne dybystardy aıta bilýin damytý.
Qajetti quraldar: Buzaý, laq, qozy, bota.
Oıyn barysy: Tárbıeshi óleńdi oqyp oıynshyq keıipkerlerdi kórsetedi. Óleń ishindegi elikteý sózderdi balalarǵa qaıtalatyp úıretedi.
Ánshi tólder
Jaıylymnan keshkilik
Jamyrady bes túlik.
Tóńirekke taraǵan
Tólder ánin estidik.
«Má - má» degen áni bar,
Sekirer or, jary bar.
Selteńdegen laǵym
Sekirgish bir janýar.
«Máá - máá» degen áni bar,
Jibek tony - sáni bar.
Qoshaqanym momaqan,
Súıkimdi bir janýar.
«Bóó - bóó» degen áni bar,
Enesin tez saǵynar.
Jibek júndi botaqan,
Móldir kózdi janýar.
«Móó - móó» degen áni bar,
Úı mańynan tabylar.
Oıqastaǵan buzaýym,
Oınaqtaǵysh janýar.
«Kúmbirlegen» áni bar,
Jelkildegen jaly bar,
Jeldeı ósip qulynshaq,
Jelmen shapqan janýar.
Ádibaı Tabyldıev
Óleń sońynda balalardan qaı janýar qalaı dybystaıtynyn surap, pysyqtaý.

Taýyq pen balapandar
Maqsaty: Daýysqa elikteý qabiletin, keńistikti baǵdarlaýdy damytý.
Qajetti quraldar: Qoraz ben balapandardyń bastarynyń sýretteri salynǵan bas kıimder (balalardyń sany boıynsha).
Oıyn barysy: Tárbıeshi qorazdy, al balalar balapandardy beıneleıdi. «Qoraz balapandarymen kógalda qydyryp jemdi shuqyp jeıdi» (saýsaqtarymen edendi tyqyrlatady).

Qoraz:
Men qorazbyn, qorazbyn
Jalqaýlarmen arazbyn
Tańdy buryn qarsy alyp
Eldi oıatam jar salyp.
Ký - ka - re - ký!- dep nyqtap
Aıtty ózinshe aqyldy
Áke - shesheń senderge
Tamaq izdep ketedi,
Meniń kúnim «tań atty»,
«kún batty»men ótedi.
Qyzmet etip tep - tegin
Júrmeımin bosqa, jetedi,
Tym bolmasa kóńilimdi
Kóterseńder ne etedi?
Balapandar:
Qyt - qyt - qyt - qyt, ıá - dep,
Súıer bar balaqan,
Men - sary balapan.
Eneme eremin
Kógaldy shoqyp kóp
Dán izdep teremin.
Tárbıeshi balalardyń ózinen soń «ký - ka - re - ký, qyt - qyt - qyt - qyt» dybys tirkesterin anyq aıtýlaryna qol jetkizýi qajet.

Shóre – shóre
Maqsaty: Dybystardyń durys aıtylýyn bekitý.
Qajetti quraldar: Eshki, jylqy, sıyr, túıeniń sýretteri.
Oıyn barysy: Tárbıeshi óleńdi oqýdy janýarlardyń sýretterin kórsetýmen jalǵastyrady.
Óriste ósken janýar,
Shóketaıym qaıdasyń?
Shóre – shóre dep eshkini shaqyrady.
Qambar ata ósirgen,
Qula atym qaıdasyń?
Quraý – quraý - dep jylqyny shaqyrady.
Zeńgi baba ósirgen,
Áýkeshim meniń qaıdasyń?
Aýqaý – aýqaý – dep - sıyrdy shaqyrady.
Oısyl qara balasy,
Botaqanym qaıdasyń?
Kós – kós dep túıeni shaqyrady.
Balalardyń sóz tirkesterin durys aıtýyn qadaǵalaý.

Bıp, bıp, pysh
Maqsaty: Elikteý boıynsha dybystardyń durys aıtylýyn bekitý.
Qajetti quraldar: Paravozdyń sýreti.
Oıyn barysy: Tárbıeshi óleńdi oqıdy, al balalar birinen soń biri tizbektelip paravozdyń qımylyn jasaıdy. Sosyn elikteý sózderin qaıtalap aıtady.
Bıp, bıp, pysh.
Men paravoz alam.
Saıahatqa bet alam,
Birte - birte tezdeımiz,
Tez jetýdi kózdeımiz.
Bıp, bıp, pysh.
Kóp qaladan ótemiz.
Qyzyqtarǵa jetemiz,
Bıp, bıp, pysh.
Gýk pysh,
Gýk, pysh paravoz.
Myqty bolsań basyp oz,
Qyzyq boldy kep qaldyq,
Endi jaılap toqtaımyz,
Bıp, býh, pysh.
Balalardyń sóz tirkesterin durys aıtýyn qadaǵalaý.

Dramatızasıalyq oıyndar. júkteý