InfoHub Logo

Qazaq tili 5 synyp
Sabaqtyń taqyryby: Ekpin «kiriktirilgen sabaq»
Sabaqtyń maqsaty:
1. Oqýshylarǵa ekpin jáne onyń túrleri týraly bilim berý, jattyǵý jumystary arqyly tereńdetý, ekpinniń býynmen tyǵyz baılanysty ekendigin uǵyndyrý, olardyń úılesýi, baılanystyǵynyń mańyzyn túsindirý;
2. Shyǵarmashylyq jumys isteýge umtyldyrý, anyq ta naqty maqsat qoıýǵa múmkindik berý, maǵynany ajyrata bilý qabilettiligin arttyrý.
3. Bir - biriniń pikirin qurmetteı alatyn, óz oıyn tujyrymdy jetkize alatyn, tilin qurmetteıtin, ortany súıetin, shyǵarmashylyq qabileti joǵary damyǵan Qazaqstan azamattaryn tárbıeleý.
Sabaqtyń kórnekiligi: keste, syzbalar.
Sabaqtyń ádisi: suraq - jaýap, túsindirmeli, syn - turǵysynan oılaý ádisi.
Sabaqtyń túri: Jańa sabaqty meńgertý sabaǵy. kiriktirilgen sabaq.
Pánaralyq baılanys: orys tili, qazaq ádebıeti, aǵylshyn tili;

Sabaqtyń barysy:
Uıymdastyrý kezeńi:
1. Oqýshylarmen amandasý;
2. Oqýshylardy túgendeý;
3. Úı tapsyrmasyn suraý;
A) Orfografıa men orfoepıa degenimiz ne?
V) Mysal keltirińder.
Fonetıkalyq taldaý jumysy
İ top İİ top İİİ top
Kitap kóılek ádebıet
Tabıǵat muǵalim Jambyl

Jańa sabaq.
1. Dápterlerine búgingi kúndi, aıdy jazǵyzý.
2. Sabaq taqyrybyn anyqtaý;
3. Jańa sabaqty túsindirý;
Sóılep turǵanda, bir sóz basqa sózderge, bir býyn basqa býyndarǵa qaraǵanda kúshti, kóterińki aıtylýyn ekpin deımiz.
Mysal: Oqý, oqýshy, oqýshylar
Sóz ekpini.
Eki ne odan da kóp býyndy bir sózdiń ishindegi bir býynnyń kóterińki aıtylýy sóz ekpini dep atalady. Qazaq tilindegi sóz ekpininiń orny tıanaqty bolady: ekpin sózdiń eń sońǵy býynyna túsedi. Mysaly: Úzdik oqýshylarǵa baǵaly syılyqtar berildi.
Oı ekpini.
Sóılem ishindegi erekshe aýdarylýǵa tıisti bolǵan bir sózdi oqshaýlap, bólip aıtý oı ekpini dep atalady. Mysaly:
Atasy búgin aýylǵa keldi.
Atasy aýylǵa búgin keldi.
Aýylǵa búgin atasy keldi.
Tirkes ekpini.
Tilimizde birneshe sóz tizbektelip baryp túgelimen bir ǵana ekpinge ıe bolady. Ekpinniń mundaı túri tirkes ekpini dep atalady. Mysaly: tálim - tárbıe, ata - ana, oqý úshin, qyryq shaqty, án sal, qypsha bel.
Dybys ekpini.
Bir sózdiń ishindegi bir dybysty kóterip ne sozyp aıtý tásili dybys ekpini dep atalady. Mysaly: tamasha, bárekeldi, jaraısyń tamasha.
​Ekpin kiriktirilgen sabaq júkteý​​​