KTF / Andreı Ýdarsev
Elena Rybakına Germanıadaǵy WTA-500 týrnıriniń jartylaı fınalyna shyqty
Qazaqstannyń birinshi raketkasy Elena Rybakına Germanıadaǵy Shtýtgart qalasynda ótip jatqan WTA-500 týrnıriniń shırek fınalynda kanadalyq Leıla Fernandesti (álemdik reıtıńte 25-orynda) jeńip, jartylaı fınalǵa shyqty. Bul týraly Tengri Sport habarlaıdy.
Porshe-Arena kortynda ótken kezdesý 3 saǵat 2 mınýtqa sozyldy. Rybakına qarsylasyn 6:7 (5:7), 6:4, 7:6 (8:6) esebimen jeńdi. Ol kezdesýde jeti eıs jasap, segiz qos qate jiberse, Fernandes alty eıs pen alty qos qate jasaǵan.
Týrnırdiń alǵashqy kezeńinde qazaqstandyq tenısshi álemniń 19-raketkasy, reseılik Dıana Shnaıdermen kezdesip, 6:3, 6:4 esebimen basym túsken bolatyn. Al Fernandes buǵan deıin túrkıalyq Zeınep Senmezdi (WTA reıtıńinde 79-orynda) jeńgen edi.
Jarystyń fınalyna shyǵý úshin qazaqstandyq sportshy álemniń toǵyzynshy raketkasy, reseılik Mırra Andreevamen kezdesedi.
Shtýtgart týrnıri 13-19 sáýir aralyǵynda ótýde. Týrnırdiń júlde qory 1,2 mıllıon dollar nemese 570 mıllıon teńgeden asady. Elena Rybakına bul týrnırde 2024 jyly da jeńimpaz atanǵan.
-
Petropavl qalasynyń ortalyǵyndaǵy Konstıtýsıa kóshesinde júrgizilip jatqan rekonstrýksıa jumystary kezinde kópjyldyq aǵashtardyń kesilýi jergilikti turǵyndardyń narazylyǵyn týdyrdy.
-
Kazakhstan's top tennis player, Elena Rybakina, has secured a spot in the semifinals of the WTA-500 tournament in Stuttgart after a hard-fought victory.
