InfoHub Logo

Bıyl elordada tegin kásibı tehnıkalyq bilim berý 65%-ǵa deıin ulǵaıady. Al 2025 jyldan bastap atalǵan sala boıynsha bilim alý tegin júzege asyrylady. Bul týraly Nur-Sultan qalasy bilim basqarmasynyń basshysy Qasymhan Senǵazıev málim etti.

«Biz qazir bilim berýde ulttyq jobaǵa sáıkes jumys istep jatyrmyz. Sonyń aıasynda elordada 2025 jylǵa deıin kásibı tehnıkalyq bilim berýdi tolyqtaı tegin etýdi josparlap otyrmyz. Árıne, jumys aýqymdy bolǵandyqtan birden kóshe almaımyz. Sebebi bir sátte 25 myń astanalyq stýdentti tegin bilimmen qamtý múmkin emes. Osy oraıda biz esepteı kele, bıyl tegin kásibı tehnıkalyq bilim berýge kóshýdi 65 paıyzǵa, kelesi jyly 70 paıyzdan asa, al 2024 jyly 80 paıyzdan asyrmaqpyz. 2025 jyly tolyqtaı tegin bilim berýge kóshiriledi», - dedi Qasymhan Senǵazıev.

Onyń aıtýynsha, kásibı tehnıkalyq kadrlardy daıarlaýda bıznes qaýymdastyqtyń yqpaly bolýy kerek.

«Kadr joq dep jatady. Biz kadrdy ázirlep jatyrmyz. Menińshe, kadr máselesin sheshýde bıznestiń de qyzyǵýshylyq tanytqany jón. Elordada tegin kásibı tehnıkalyq bilim berýdi uıymdastyrýda naqtylaý boıynsha biz qazir ákimniń atyna qyzmettik hatty ázirlep qoıdyq. Ákim kelisimin bergen soń, iske kirisemiz», - deıdi ol.

Aıta keteıik, búgin Nur-Sultan qalasy ulttyq kásipkerler palatasy jáne qalalyq bilim berý basqarmasynyń uıytqy bolýymen elorda mektepteri, balabaqshalarynda qosymsha orynnyń qajettiligi jáne bilim berý uıymdarynyń basqa da problemalaryna arnalǵan otyrys ótti.

---