InfoHub Logo

5 jyldan astam ýaqyt buryn ashylǵan «Alataý dástúrli óner teatry» halyq júregine, ásirese jastar jan-dúnıesine dástúrge degen mahabbatty sińdirýde. Ortalyq Azıanyń jalǵyz dástúrli óner teatry qaýym arasynda mádenı ortalyqqa aınalǵany sózsiz aıqyn. Buǵan túrli spektáklder, qoıylymdar, án-jyr jáne de oıyn-saýyq keshteri dálel bola alady. Teatr qabyrǵasynda 60-tan astam ártister men ónerpazdar jumys jasap, mekemede kóptegen taqyryptyq aptalyqtar ótkiziledi. Teatr qyzmetiniń negizgi baǵyty qazaq halqynyń shyǵarmashylyǵyn dáripteý bolyp tabylady. Sonyń ishinde úlken zeıin balalar men jastardy óner men dástúrge beıimdeý.

Túrkıa elindegi Stambýl qalasynda mol qoshemetke ıe bolǵan «Altybaqan» alyp oıyn-saýyq keshin ótkizgen teatr, jańa da aýqymdy «Naýryz Dýman» qoıylymyna bar zeıinmen kiristi. Belgili aıtysker, sýyryp-salma aqyny Rınat Zaıtov jetekshilik etken bul óner mekemesi dúbirli merekemiz, Naýryz meıramyna qyzý daıyndyq ústinde. Naýryz aıynyń 18 juldyzynda dástúrli óner teatry halqymyzdy quttyqtaı otyryp, «Naýryz-dýman» atty keshin el nazaryna usynbaq. Ataýly konsertte alýan túrli ánshiler men bıshiler qazaq jerinde Jańa Jyl merekesiniń qalaı toılanatynyn sýrettemek. Qulaq quryshyn qandyratyn án-jyrlar, dástúrli, kórkem qımyldy bıler jáne adamnyń kóńilin kóteretin ulttyq oıyndar oryn alady.

Esenqul Araılym

Qazaq-Amerıka ýnıversıteti stýdenti

---