Elordada úzdik synyp jetekshileri anyqtaldy
QR Táýelsizdiginiń 25 jyldyǵyn merekeleý aıasynda Tólegen Aıbergenov atyndaǵy №16 orta mektepte «Eń úzdik synyp jetekshisi» jalpy mektepishilik konkýrsy ótti. Baıqaýda 11 synyp jetekshisi bes nomınasıada saıysqa tústi.
Qala ákimdiginiń saıtynyń habarlaýynsha, birinshi kezeńde synyp jetekshileri «Meniń pedagogıkalyq ustanymym» taqyrybynda esse jazyp, synyp týraly jarnamalyq kitapshalaryn tanystyrdy.
Kelesi nomınasıada pedagogtar ashyq synyp saǵattaryn ótkizdi. Bul olardyń oqýshylarmen ózara syılastyq qatynas qurý, árbir oqýshyny taqyrypty talqylaýǵa tarta bilý qasıetterin kórýge múmkindik berdi. Baǵalaý kezindegi basty krıterıı sabaqtyń mazmuny, ony ótkizý ádisteri men nysany boldy. Konkýrs barysynda qatysýshylar «Synyp jetekshisiniń ómirinen bir kún» beınerolıginiń avtory atandy. Budan basqa, synyp jetekshileri óz shyǵarmashylyq ónerlerin ortaǵa saldy.
«Eń úzdik synyp jetekshisi» baıqaýynyń Gran-prıi men «Eń úzdik synyp jetekshisi» ataǵy Gúlistan Urynbasarovaǵa buıyrdy.
Birinshi oryndy Symbat Omarova men Aıgúl Dolapova ózara bólisti. Aıaýlym Ahmetbekova ekinshi, Roza Aqıarova úshinshi orynda.
Qalǵan qatysýshylar nomınant atanyp, gramotalarmen jáne baǵaly syılyqtarmen marapattaldy.
Konkýrs oqýshylardy tárbıeleýdiń ınovasıalyq ádisterin anyqtaý, kásibı damý, shyǵarmashyl synyp jetekshilerine qoldaý kórsetý maqsatynda ótkizildi.
You Might Also Like
-
QR Bilim jáne ǵylym mınıstrliginde Astana qalasy mektepteriniń basshylarynyń jáne mektepke deıingi uıymdarynyń basshylary, QR Ulttyq ekonomıka mınıstrliginiń, balalardyń quqyqtaryn qorǵaý komıtetiniń...
-
Bes jyl buryn «Bolashaqpen» AQSH-qa baryp, keıin iz-túzsiz ketken otandasymyz Erjan Elikovtiń atynan áleýmettik jelide jazba paıda boldy dep habarlaıdy NUR.KZ portaly.
