InfoHub Logo

Zamanymyzda adamdardyń kóp qozǵaıtyn áńgimeleri kapıtal, ekonomıka, bırja, aksıa, jyljymaıtyn múlik sıaqty taqyryptar. Keleshekke salym jasap, keleshegimizdi kepilge alý qajet dep jatady. Iaǵnı qaı salaǵa kapıtal quıý tıimdi bolsa sony áńgimelep, soǵan bet buryp jatady. Bul árıne qalypty nárse, mindeletin tarapy joq.

Alaıda umytpaý qajetti taǵy bir mańyzdy salym túri bar. Ol da bolsa balaǵa jasalatyn, adamǵa jasalatyn salym. Álemdegi eń qıyn is adam jetildirý. Balanyń jetilýine septigin tıgizetin kóptegen faktorlar bar. Bulardyń ishindegi eń mańyzdylary: januıa, aınala, mektep jáne BAQ. 

Álemdegi barlyq memleketter óz balalarynyń, jastarynyń ádil, eńbekqor, kórkem minezdi, tabysty, mádenıetti, qoǵamǵa paıdaly, otanyn súıetin, bilikti jáne el qundylyqtaryn qadirleı biletin adam retinde tárbıelenýin qalaıdy. Sondyqtan osy jolda barlyq kúsh-jigerin jumsaıdy. Muny júzege asyra alǵan elderdiń basqa da qıynshylyqtary jeńil jáne jyldam sheshiledi. Óıtkeni barlyq nárseniń basy – adam. Adamnyń jaqsy ósip jetilýi úshin eshbir shyǵynnan jáne qıynshylyqtan qashpaǵandar jetistiktiń jáne mádenıettiń shyńyna kóterildi. Tarıhta osy qaǵıdany Osmandyqtar jańǵyrtqan bolatyn. Qazirgi tańda Amerıka jáne Eýropa elderi de osy baǵytty ustanyp keledi.

Memleketimiz joǵaryda atalyp ótken adamnyń ósip jetilýi úshin eń mańyzdy róldi atqaratyn faktorlardy áste-áste qolǵa alýda. Áıtse de árbir ata-ananyń da óz kezeginde bala tárbıesine at salysýy, qarap jatpaýy mańyzdy másele.

Basta úlken qalalardan bastap aınalamyz tynysh emes. Iaǵnı syrtqy álem qaýipterge toly. Beıneli, baspaly aqparat quraldarynyń basym bóligi zorlyq-zombylyq jáne jynystyq taqyryptarǵa kóbirek baǵyttalǵan... Adamı qasıet, ádeptilik, uıattylyq sezimderdi joıatyn, ár túrli jamandyqtardy tartymdy etip jarıalap jatqandyqtan kórýi, oqylýy qaýipti bolǵan kóptegen aqparat quraldary bar. Osy sebepti balalardy jaman dostardyń jáne jaman beıneli, jazbaly aqparat quraldarynyń zıandarynan da qorǵaý kerek.  

Balalarǵa dinin, otanyn, baıraǵyn jaqsy kórgizetin, ata-anaǵa, adamdarǵa qurmetti, eliniń mádenıetin, qundylyqtaryn, jetistikke jetýdiń joldaryn úıretetin, patrıottyq sezimin uıalatatyn paıdaly, jaqsy aqparattarmen qamtamasyz etý kerek. Bul oraıda sizge kómekshi bola alatyn «Balalar álemi» jýrnalyn keńes bere alamyz. «Balalar álemi» jýrnaly - árip tanyǵan jastan bastap mektep oqýshylaryna arnalǵan, 64 betten turatyn Respýblıkalyq jýrnal. Munda búldirshinder men jas-jetkinshekterdiń bilim-tanymyn, oı-órisin damytýǵa, tálim-tárbıege negizdelgen ertegi-áńgimeler, tarıhı-mádenı derekter, ensıklopedıalyq málimetter, qyzyqty karıkatýralar, oıyn-jumbaqtar, ázil-ospaqtar, paıdaly keńes-nasıhattar t.b. paıdaly maǵlumattarǵa oryn beriledi. Sondaı-aq balalar da óleń, maqalalaryn, salǵan sýretterin jiberip óz shyǵarmashylyq ónerlerimen jáne bizdiń dostarymyz aıdary arqyly óz fotolarymen de bólise alady.

Jýrnaldyń aqparattyq onlaın nusqasyn «Balalar álemi» jýrnalynyń saıtynan da (http://www.balalaralemi.kz) kórýge bolady. Jýrnalǵa jazylyńyzdar! Qazposhta arqyly jazylý ındeksi: 74722

---