Endi azamattar kólik nómirin erkin tańdaı alady

Qańtardyń 5-nen bastap zamattardyń memlekettik tirkeý nómirlik belgisin (MTNB) erkin tańdaýǵa múmkindik alady.

Halyqqa qolaıly jaǵdaı jasaý maqsatynda 2026 jylǵy 1 qańtardan bastap kez kelgen qajetti sıfrlyq jáne áriptik belgilermen MTNB-ny erkin tańdaýdy kózdeıtin normalar qoldanysqa engizildi.

QR İİM ÁPK-niń erekshe tapsyrmalar jónindegi aǵa ınspektory Araı Tólegenqyzynyń aıtýynsha, 5 qańtardan bastap azamattar MTNB-ny arnaıy mamandandyrylǵan halyqqa qyzmet kórsetý ortalyqtary arqyly tańdaı alady. Onyń sózine saı, kez kelgen qajetti áriptik jáne sıfrlyq belgileri bar MTNB quny 10 AEK jáne 15 AEK mólsherinde bolady (joǵary suranysqa ıe MTNB-ny qospaǵanda).

Buǵan deıin Ákimshilik polısıa komıteti 2026 jylǵy 1 qańtardan bastap sıfrlar men áripterdiń kez kelgen kombınasıasyn tolyqtaı ózińiz tańdaýǵa bolatynyn habarlaǵan.

Mysaly, 123AZA01, 321ERA02, 069ARA03 sıaqty kombınasıalardy tańdaýǵa múmkindik bar.

“Elıta” serıalardan bólek, birdeı sıfrlar jáne (nemese) áriptik belgileýleri birdeı nusqalardy tańdaýǵa bolady.

Materıalda bul qyzmettiń quny 10 AEK, ıaǵnı 43 250 teńge bolatyny da kórsetilgen.

Jańa tártip Polisia.kz málimetine sáıkes engizilip otyr.

Qyzmetter arnaıy mamandandyrylǵan HQKO arqyly kórsetiledi.