InfoHub Logo

Tanymal ánshi Maqpal Isabekova jeke ómirine qatysty tyń málimdeme jasady. Óner ıesi telejúrgizýshi Dınara Sátjanǵa bergen suhbatynda burynǵy kúıeýimen ajyrasqanyn alǵash ret aıtyp berdi.

Bul týraly Infohub.kz aqparat agenttigi habarlaıdy.

Ajyrasýdyń sebebi men ýaqyty

Ánshiniń aıtýynsha, olar byltyr aqpan aıynda resmı túrde ajyrasqan. Qazirgi ýaqytta ekeýi bir-birimen sóılespeıdi. «Bir jaǵynan bar, ekinshi jaǵynan joq. Shynynda, bul óte sımvolıkalyq jaǵdaı. Ómirimdegi úlken oqıǵalardyń bári – alǵashqy júktiligim, turmysqa shyǵý týraly usynys – bári 14 aqpanda bolǵan. Al 14 aqpanda men sizderge ózimdi erkin áıel ekenimdi jarıaladym. Mahabbat hıkaıalarynyń bári ádemi bastalady ǵoı. Eshkim turmysqa shyǵarda ajyrasamyn dep oılamaıdy», – dedi ol.

Nelikten kúıeýin kópshilikke kórsetpedi?

Sonymen qatar Maqpal Isabekova burynǵy kúıeýiniń nelikten kópshilikke kórsetilmegenin túsindirdi. «Maǵan jazylýshylarym únemi “Nege kúıeýińizdiń júzin kórsetpeısiz?” dep jazatyn. Biraq ol adam kópshilik aldynda bolýdy qalamady, bul – onyń quqyǵy. Men onyń tańdaýyn qurmettedim», – deıdi ánshi.

Qarym-qatynastaǵy qıyndyqtar

Óner ıesi burynǵy kúıeýimen arada túsinispeýshilikter bolǵanyn da jasyrmady. «Men ádette kez kelgen adammen ortaq til tabysa alamyn. Bireýmen tanysý, sóılesý men úshin qıyn emes. Biraq dál kúıeýimmen qarym-qatynasta qıyndyq boldy. Bizde dıalog joq, týra maǵynasynda da, aýyspaly maǵynasynda da. Biz sóılese almaımyz», – dedi ánshi.