Endi mektepte ata-analar da aǵylshyn tilin oqıdy
Óskemen qalasynyń mektepterinde aǵylshyn tilin bilmeıtin ata-analarǵa til úıretý kýrstary ashyldy. Alǵash ret qolǵa alynǵan shara arnaıy júrgizilgen saýalnamanyń nátıjesinde júzege asyp otyr. Bul týraly QR Bilim jáne ǵylym mınıstrliginiń baspasóz qyzmeti Facebook-tegi paraqshasynda jazdy, dep Baq.kz habarlaıdy.
Mınıstrliktiń málimetinshe, ata-analardyń 56 paıyzy úı jumysyn oryndaý kezinde balasyna kómek kórsete almaıdy eken. Osydan keıin ustazdar tarapynan túsken usynysty kóbi qoldaǵan.
Sabaq tegin, aptasyna eki ret júrgiziledi. Keshki altyda balasyn mektepten alyp ketýge kelgen ata-ana bir saǵat ýaqyttaryn osy jerde ótkizbek. Tájirıbeli sheteldik ustazdar dáris oqyp, sabaq úıretedi.
«Basqa pánderden kómektesip otyramyn. Al aǵylshyn tilin mektep muǵalimderiniń arqasynda oqyp jatyr. Ózim úırete almaımyn. Osy tildi meńgerip, balammen aǵylshynsha qarym-qatynas jasaǵym keledi. Kúndelikti qyzmetime oraı arnaıy oqytatyn oqý ornyna barýǵa jaǵdaıym joq. Sondyqtan osy bastamany qoldap, kelip otyrmyn», - deıdi Gúlmıra Sháriphanova.
Mektep dırektory Selman Shımshektiń pikirinshe, bala kúndiz mektepte úırengen nársesin úıde de jalǵastyrýy kerek. Ata-anasy tildi bilse, bilim deńgeıin birden kóterýge bolady.
«Bir jaǵynan, ata-analar oqýshylardyń jaǵdaıyn jaqsy túsinedi», - deıdi ol.
You Might Also Like
-
Bárimiz de bir erekshelikti jaqsy kóremiz. Sondyqtan optıkalyq ıllúzıalar bizdiń nazarymyzdy aýdarady. Búgingi tańda adamdy aldamshy kórinister (Illúzıa) arqyly aldaý ońaıǵa soǵyp ketti. Biri shynymen...
-
Nursultan Nazarbaev Astanada 2017 jylǵy 28-shi Búkilálemdik Ýnıversıada oıyndarynyń alǵashqy alaýyn jaqty dep habarlaıdy nur.kz portaly.
