InfoHub Logo

Pavlodar qalasynyń bilim berý bólimi Zoom baǵdarlamasyn paıdalana otyryp «Erekshe bilim berýdi qajet etetin balalarǵa psıhologıalyq-pedagogıkalyq súıemeldeý» taqyrybynda onlaın konferensıa ótkizdi. Maqsaty - ınklúzıvti bilim berý máseleleri boıynsha qalanyń jalpy bilim beretin mektepteriniń qyzmetin ádistemelik súıemeldeý boıynsha jumysty odan ári jetildirý. Konferensıaǵa jalpy bilim beretin mektep dırektorlarynyń 60-tan astam orynbasarlary, oblystyń bilim berý mekemeleriniń ınklúzıvti bilim berý mamandary boldy, Pavlodar jáne Semeı qalalarynyń bilim berý bóliminiń ádiskerleri men mamandary, Pavlodar qalasynyń psıhologıalyq-medısınalyq-pedagogıkalyq konsýltasıasy, Semeı qalasynyń ádistemelik jáne psıhologıalyq ortalyqtary, Pavlodar memlekettik pedagogıkalyq ýnıversıtetiniń basshylary qatysty.

Onlaın konferensıanyń moderatory Pavlodar qalasy bilim berý bóliminiń ádiskeri Sholpan Sámenqyzy Nurahmetova boldy. Konferensıaǵa oblystyq «Úzdik ǵylymı-ádistemelik qural – 2020» konkýrsynda 2 birinshi orynǵa ıe bolǵan qalalyq psıhologtar men logopedterdiń shyǵarmashylyq toptarynyń eki ádistemelik quraldary usynyldy. M. Áýezov atyndaǵy mektep dırektorynyń orynbasary, № 34 JOM psıholog, logoped, bastaýysh synyp muǵalimderi, Y. Altynsarın atyndaǵy UBA janyndaǵy respýblıkalyq shyǵarmashylyq top músheleriniń jumys tájirıbesi usynyldy. Plenarlyq bólimde ınklúzıvti bilim berýdiń normatıvtik-quqyqtyq bazasyn oryndaý, oqý jylyn aıaqtaý jáne erekshe bilim berý qajettilikteri bar oqýshylardy qorytyndy atestattaý máseleleri boıynsha Pavlodar qalasy bilim berý bóliminiń bas mamany Alla Fedorovna Derevnına sóz sóıledi. Qalalyq psıhologıalyq-medısınalyq-pedagogıkalyq konsýltasıanyń jetekshisi Aıtbaeva Sulýshash Aıtkenqyzy bilim berý uıymdarynda pedagogıkalyq konsılıýmdy ótkizý algorıtmin usyndy, erekshe bilim berý qajettiligi bar balalarmen jumys isteý boıynsha qujattamaǵa qoıylatyn talaptardy oryndaý boıynsha naqty usynystar berdi.

Konferensıanyń praktıkalyq bóliminde M. Áýezov atyndaǵy mektep dırektorynyń orynbasary Bezrýkova Iýlıa Alekseevna qashyqtyqtan oqytý jaǵdaıynda oqý úderisin ádistemelik súıemeldeýdi uıymdastyrý, ınternet resýrstar men platformalardy oqýshylar men ata-analarmen keri baılanysty uıymdastyrý úshin paıdalaný máseleleri boıynsha jumys tájirıbesimen bólisti. № 34 JOM bastaýysh synyp muǵalimderi, respýblıkalyq shyǵarmashylyq top músheleri, Nazarenko Anna Olegovna jáne Akımova Ekaterına Vasılevna «Inklúzıvti bilim berý jaǵdaıynda 1 synypta matematıka sabaǵynda dıfferensıaldy tásildi iske asyrý», «Inklúzıvti bilim berý aıasynda saýattylyqty oqytý sabaqtarynda pedagogıkalyq tásilder» máseleleri boıynsha sóz sóıledi. Manákova Marına Vasılevna jáne Berejnaıa Anastasıa Alekseevna, psıhologtardyń qalalyq shyǵarmashylyq tobynyń jetekshileri erekshe bilim berýdi qajet etetin oqýshylardy psıhologıalyq-pedagogıkalyq súıemeldeý boıynsha ǵylymı-ádistemelik qural usyndy. Pshenko Iýlıa Anatolevna, № 26 JOM logopedi, logopedterdiń qalalyq shyǵarmashylyq tobynyń jetekshisi «Jalpy bilim beretin mektep jaǵdaıynda logopedtik jumysty jetildirý» atty ádistemelik nusqaýlardy usyndy.

Qashyqtyqtan oqytý jaǵdaıynda erekshe bilim berýdi qajet etetin oqýshylarǵa kedergisiz orta qurý jáne pedagogıkalyq súıemeldeý máseleleri boıynsha Semeı qalasynyń ádistemelik jáne psıhologıalyq ortalyqtarmen syndarly dıalog ótti. Kásibı ósý, pedagogıkalyq kadrlardyń biliktiligin arttyrý jáne joǵary oqý ornynan keıingi bilim berý máseleleri boıynsha Myrzaqulov Serik Valerevıch, ǵylymı jumys jáne halyqaralyq baılanystar jónindegi prorektor, p.ǵ.k. Súleımenova Gúlmıra Amangeldiqyzy, magıstratýraǵa qabyldaýǵa jaýapty jáne Pavlodar memlekettik pedagogıkalyq ýnıversıtetiniń qabyldaý komısıasynyń jaýapty hatshysy Musanova Gúlnar Manapqyzy sóz sóıledi.

Keri baılanys jáne refleksıa onlaın rejımde ótkizildi. Konferensıaǵa qatysýshylarǵa jalpy bilim beretin mektepte erekshe bilim berýdi qajet etetin balalardy oqytý men tárbıeleý úshin jaǵdaı jasaý boıynsha ádistemelik usynystar berildi. Konferensıa materıaldary ınklúzıvti bilim berýdi iske asyrý máselelerinde yntymaqtastyq boıynsha seriktesterge jiberiletin bolady, ınklúzıvti bilim berý jaǵdaıynda jumys tájirıbesiniń elektrondyq bankinde ornalastyrylady.

Nurmat Baǵdáýlet

 

---