InfoHub Logo

Bir kúni erli-zaı̆ypty shymshyqtar bir-birine renjisip, shoqysyp qalypty. Olardyń kúńkildesip jatqanyn ań men qustyn tilin túsinetin Súleı̆men patsha esitip turdy. Áı̆el shymshyq kúı̆eýiniń aı̆tqanyna kónbeı̆, qashyp júr eken. Sonda erkek shymshyq júnderin kúdireı̆tip: «Eger men qalasam, Súleı̆men patshanyń sáldesin sheship alyp, teńizge laqtyryp jiberem. Sen maǵan qarsy keletin kimsiń?» — dep aı̆qaı̆ǵa salyp jatyr deı̆di.

Áńgimeni esitip turǵan Súleı̆men paı̆ǵambar kúlimsirep: «Áı̆, shymshyq! Sen, shynymen de, meniń sáldemdi teńizge laqtyra alasyń ba?» — dep suraı̆dy.

— Joǵa, ýa, Allahtyń paı̆ǵambary! Árıne, joq. Biraq erkektiń bári qatynyna sózin ótkizý úshin irileý áńgime aı̆tatyny bar emes pe? Sondaı̆ tirlik qoı̆ menińki, — depti erkek shymshyq uıalyp.

Sonda Súleı̆men patsha áı̆el torǵaı̆ǵa qarap: «Al sen she? Kúı̆eýińnen nege qashyp júrsiń? Ol seni jaqsy kóredi eken ǵoı̆?», dep suraq qoıady.

— Joq, ýa, Allahtyń paı̆ǵambary! Ol meni jaqsy kórmeı̆di. Tek saı̆raǵan tilimen ǵana jaqsy kóremin deı̆di. Arǵy jaǵynda ondaı̆ emes. Bul menen basqa áı̆el shymshyqtardy da jaqsy kóredi, — dep jaýap qaı̆yrdy áı̆el shymshyq.

Osyny kórip, esitip turǵan Súleı̆men Paı̆ǵambar bir sát tereń oı̆ǵa shomyp ketip aı̆tqany mynaý eken: «Ýa, Qudaı̆dyń qudireti! Kip-kishkentaı̆ shymshyqtyń ózi bir júrekke eki mahabbat syı̆maı̆tynyn qalaı̆ bildi eken? Al adamdar she? Qalaı̆sha olar qyzyldy-jasyldy dúnıeni, mal-múlikti, baı̆lyqty sonsha jaqsy kórip turyp, Rabbysyn da jaqsy kóremin deı̆di?» Sodan soń: «Ýa, Allahý Ta’alam! Júrekterge Ózińe degen mahabbatty ǵana ornyqtyr! Senen artyq eshkimdi, esh nárseni jaqsy kórmeı̆ik», — dep jylap turyp duǵa etken eken.

Asylbek Áýezhanuly

---