InfoHub Logo

Sabaqtyń taqyryby: Erlikke árqashan oryn bar
Maqsaty: Aýǵan soǵysynyń bolý sebepterin aıqyndaı otyryp maǵynalyq aqıqatyn ashý. Elimizdiń shekarasyn qorǵaýda úles qosqan aǵalarymyzdyń erligin bolashaq urpaqqa úlgi ete otyryp, olardyń boıynda Otandy súıý, erlikke baýlý, patrıottyq qasıetterin oıatý, soǵys jaıyndaǵy bilimderin tárbıemen ushtaý.
Kórnekiligi: Aýǵan soǵysynda qaza tapqan Panfılov atyndaǵy orta mektebiniń túlegi A. Pasenkonyń portreti, proektor, ekran, slaıdtar,
Áskerı JOO túsken mektep túlekteriniń stendi.
Túri: kiriktirilgen - erlik tárbıe saǵaty /syr suhbat, túsindirý elementteri/

Jospary:
1. Erlik sabaǵynyń ashylýy
2. Aýǵan soǵysynda qaza tapqandardy eske alý úshin bir mınýttyq únsizdik.
3. Shaqyrylǵan qonaǵymyzdy tanystyrý. Mektebimizdiń ustazy ınternasıonalıs - jaýynger Kasenov Ersaıyn Kasenovıch.
4. «Men kórgen soǵys» Aýǵan soǵysynyń tarıhyna qysqasha málimet.
5. Internasıonalıs - jaýyngermen suhbat.
6. Qorytyndy.
Eskertý: Sabaq barysynda - /syzyqshamen/ berilgen tapsyrma - suraqtar aǵaıǵa, al oqýshylarǵa ptıchkamen berilen.

Barysy:
Aýǵan soǵysynda qaza tapqandardy eske alý úshin bir mınýttyq únsizdik.
Muǵalimniń kirispe sózi: Qurmetti qonaqtar, oqýshylar, ustazdar!
Bıylǵy jyly Aýǵan jerinen ınternasıonalıs jaýyngerlerimizdiń shyǵýyna 25 jyl boldy. Bul mereıli data barlyq jerlerde atalyp ótýde. Bizdiń mektepte de atalǵan merekege oraı aılyq ótip jatyr. Búgingi ózimizdiń «Erlikke árqashan oryn bar» erlik sabaǵymyzǵa ınternasıonalıs - jaýynger, mektebimizdiń alǵashqy áskerı daıyndyq páni muǵalimiKasenov Ersaın kasenovıchti shaqyryp otyrmyz. Ersaıyn Kasenovıch keshe aýdan ortalyǵy Saryózek kentinde ótken úlken jıynda Keńes Áskeriniń Aýǵanstannan shyǵarylǵanyna 25 jyl tolýyna baılanysty merekelik jıynda taǵy bir medalmen marapattaldy. Aǵaıymyzdy qoshemettep osy úlken nagradamen quttyqtap qoıaıyq!
Jaýlardan qarsy kelgen jasqanbaǵan
Jasaǵan erligine mastanbaǵan.
Urpaqqa ómir jolyń ónege bop,
Tarıhta ardagerler asqan baǵań - dep batyrlyq pen erliktiń eren úlgisin kórsetken qaharman jerlesterimiz búgingi kúni ortamyzda. Ersaıyn Kasenovıch sol soǵysqa qatysqandardyń biri bolsa, qansha bozdaqtarymyz barǵany jaıynda Aýǵan soǵysy tarıhyna qysqasha málimetpen tanysyńyzdar.
Aýdıo túrinde nemese bir oqýshyǵa oqytsa da bolady. Aýdıo jazba bolsa slaıdpen qatar baılanystyrýǵa múmkindik mol.

1. «Men kórgen soǵys» Aýǵan soǵysynyń tarıhyna qysqasha málimet.
Tarıh betterinde Aýǵan soǵysy ózindik iz qaldyrdy. Syzyp alyp tastamaıtyn bul soǵystyń qysqasha tarıhyna úńileıik. Aqpannyń 15 - inde KSRO áskerleriniń Aýǵanstan jerinen shyqqanyna 25 jyl boldy. Aýǵanstanǵa armıany engizý týraly sheshim 1979 jyldyń 12 - jeltoqsanda Keńester odaǵynyń Komýnıstik partıasynyń Ortalyq Komıtetiniń Saıası búrosynyń otyrysynda qabyldanyp, asa qupıa qaýlymen bekitildi. Qyzyl Armıanyń shekteýli kontıngenti on jyl boıy aýǵan halqymen soǵys áreketterin júrgizdi. Aýǵan jerinde ınternasıonaldyq boryshyn atqarǵan Qyzyl Armıa jaýyngerlerinen basqa da kóptegen qaýipsizdik qyzmetiniń jáne ishki ister organdarynyń qyzmetkerleri de boldy. 1986 jyldyń aqpanynda bolǵan KOKP HHVİİ sezinde Mıhaıl Gorbachev áskerdi kezeń - kezeńge bólip, aýǵan jerinen shyǵarý kerektigin málimdedi. 1989 jyly aqpannyń 15 - i kúni KSRO - nyń sońǵy áskerı bólimi Kabýldan shyqty.