InfoHub Logo

Sabaqtyń taqyryby: Paıdaly qazbalar jáne olardyń túrleri
Sabaqtyń maqsaty:
1. Oqýshylar paıdaly qazbalar túrlerin topqa bóle otyryp, olar týraly bilim - túsinikterin keńeıtedi;
2. Paıdaly qazbalardy qoldaný aıasyna negizdeme daıyndaıdy:
3. Tabıǵatty aıalaı bilýge, el baılyǵyn únemdep paıdalanýǵa tárbıeleý.
Sabaqtyń tıpi: Jańa sabaqty meńgertý.
Sabaqtyń túri: Aralas sabaq.
Sabaqtyń ádisi: Túsindirý, oqýlyqpen jumys, dáptermen jumys,
suraq – jaýap, oıyn, keste toltyrý, zertteý.
Sabaqtyń kórnekiligi: Paıdaly qazbalardyń túrleri, keste, slaıd, test, sózjumbaq
Pánaralyq baılanys: Ana tili, sýret.
Sabaqtyń barysy:

İ Uıymdastyrý
- Psıhologıalyq daıyndyq.
Meıirimdi júrekpen,
Aqpeıildi tilekpen,
Amandasyp alaıyq,
Bir jadyrap qalaıyq!
- Oqýshylar nazaryn sabaqqa aýdarý.

İİ Úı tapsyrmasyn tekserý
Taý jynystary. Tyǵyz jáne bos taý jynystary.
Ár topqa arnalǵan tapsyrmalar:
İ top: test jumysy
1. Neniń túıirshikteri sýsyp, bir – birimen baılanyspaıdy?
A) sazdyń
Á) qumnyń (+)
2. Taza qumnan ne daıyndaıdy?
A) áınek (+)
Á) sement
3. Óte maıda taý jynysyn tap:
A) granıt
Á) saz (+)
4. Qumnan ne túziledi?
A) áktas
Á) qumtas (+)

İİ top: Sózjumbaq
1. Qum túıirshikteriniń birigip qatýynan paıda bolǵan taý jynysy; (qumtas)
2. Jer qyrtysynyń tereń qoınaýynda ornalasqan qatty, tyǵyz taý jynysy; (granıt)
3. Granıt qazaqsha qalaı atalady? (túıirshikti)
4. Bıdaıdy un qylyp tartatyn quraldy qalaı ataımyz? (dıirmen)

İİİ top: «Uıashyq tańdaý» oıyny
Bul oıyn arqyly durys jaýap berý arqyly upaı jınaı otyryp, óz bilimimizdi kórsetemiz:
10 - Taý jynystary degenimiz ne?
10 - Tyǵyz taý jynysyna neler jatady?
10 - Taý jynystary qalaı paıda bolady?
20 - Bos taý jynystaryna neler jatady?
20 - Tabıǵatta taý jynystary neshe kúıde kezdesedi?
20 - «Granıt» sózi qazaqshaǵa aýdarǵanda qalaı atalady?
30 - Granıt Qazaqstannyń qaı jerlerinde kóbirek kezdesedi?
30 - Qumtas qalaı paıda bolady? Qum túıirshikteri birigip qatýy úshin nelerdiń eritindisin aralastyrý kerek?
Qorytyndy: Sonymen jer qyrtysyn toltyryp jatqan deneler taý jynystary dep atalady eken. Bulardy qalaı alady?

İİİ Jańa sabaq
Qyzyǵýshylyqty oıatý
Belsendi taqtadan toptastyrý jumysyn júrgizedi. Iaǵnı berilgen sózderdi óz tobyna qos:
Tamaq pisirý, úı jylytý, fabrıka, zaýyt, elektr stansıalary jumys isteý úshin jumsalatyn otyn túrleri: (tas kómir, munaı, gaz)
Úı jıhazdary, túrli mashınalar, ushaq, keme, temir jol, kópir salýǵa qajetti qazbalar:
(mys, temir, qorǵasyn, alúmını)
Qurylys materıaldaryna qajetti qazbalar: (qum, saz, tas, ák)
Osynyń bári qosylyp, paıdaly qazbalardy quraıdy.
(Paıdaly qazbalarǵa anyqtama berip ótiledi)

Este saqta!
«Paıdaly qazbalar – jer qoınaýynan nemese jer betinen qazyp alynatyn taý jynystary. Bul tabıǵat baılyqtary adamnyń qajetine jaratylady»