InfoHub Logo

Sabaqtyń taqyryby: Ertegi keıipkerlerin beıneleý
Sabaqtyń maqsaty:
1. Ertegilerdi eske túsirý, elestetý arqyly ertegi keıipkerleriniń beınelerin qaǵaz betine túsire bilýge mashyqtandyý.
2. Tapqyrlyqqa, qaıyrymdylyqqa, uqyptylyqqa, ádemilikti túsine bilýge, talǵampazdyqqa baýlý.
3. Oqýshylardyń dúnıetanymdaryn, aqyl - oıyn, shyǵarmashylyǵyn arttyrý. Oılaý, este saqtaý, qaıta jańǵyrtý qasıetterin, tanymdyq qyzyǵýshylyqtaryn damytý.
Sabaqtyń túri: aralas sabaq.
Sabaqtyń ádis - tásilderi: syn turǵysynan oılaý, praktıkalyq.
Sabaqtyń kórnekiligi: «Ertegiler elinde» ertegi kitaptar buryshy, ertegi keıipkerleriniń sýretteri.

Sabaqtyń barysy:
1. Uıymdastyrý bólimi:
A) Alǵashqy uıymdastyrý
(oqýshylardyń oqý quraldaryn rettep, zeıinderin sabaqqa aýdarý)
- Sálemetsińder me! 2 «Á» klassyna qosh keldińizder! Qazir bizde beıneleý sabaǵy.
Balalar, búgingi sabaǵymyz kúndelikti sabaǵymyzdan sál erekshe. Óıtkeni, sabaqqa kóp qonaqtar kelip otyr. Sondyqtan sabaq barysynda oqyp - bilgen, úırengenderimizdi, jaqsy jaǵynan kórsete bileıik. Aldymen ózderińdi
«Men qandaımyn?» suraǵyna jaýap bere otyryp, tanystyryp ótińder.
«Men qandaımyn?» suraǵyna ár oqýshy óz esimderin qosa jaqsy qasıetterin aıtý.(ózdik men konsepsıasy, ózin - ózi taný) Mysaly, Albına – ádemi, Mırbolat – tártipti, Arman – sýretshi t. s. s.

2. Úı tapsyrmasyn tekserý.
Eki jaqty kúndeliktiń suraqtary:
1. Tabıǵat kórinisin beınelegen kórkem shyǵarma «portret» dep atalady.(joq)
2. Adamnyń bet pishini beınelengen kórkem shyǵarma «peızaj» dep atalady.(joq)
3. Saz balshyqpen, ermeksazben, aǵashpen, taspen jumys istep, beıne turǵyzatyn sýretshilerdi «músinshi» deıdi.(ıá)
4. Á. Qasteev 1904 jyly Almaty oblysynyń Shejin aýylynda dúnıege keldi.(ıá)
5. 2004 jyly Á. Qasteev atamyzdyń 100 jyldyq mereı toıy toılandy.(ıá)
6. Akvarel boıaýy sýda erimeıdi.(joq)

3. Jańa materıaldy meńgertý.
a) Oı qozǵaý
- Erte, erte, ertede
Eshki júni bórte de
Qyrǵaýyly qyzyl eken
Quıryq júni uzyn eken – joldary neniń bastamasy?
- Ertegi
á) Toptaý
- «Ertegi» sózin estigende qandaı oı keledi, ne esterińe túsedi, kóz aldaryńa ne elesteıdi?
Ertegi: - Ushqysh kilem, jeztyrnaq, han, hanshaıym, jaǵyz kózdi dáý, sóıleıtin janýarlar, Aıdahar

- Olaı bolsa, búgingi sabaǵymyz ertegi týraly bolmaq. Sabaqtyń taqyryby: «Ertegi keıipkerlerin beıneleıik» dep atalady. Bul sabaqta ertegilerdi eske túsirip, ertegi keıipkerleriniń beınelerin qaǵaz betine túsire bilýge, ıaǵnı beıneleı bilýge úırenemiz.
«Ertegiler elinde» buryshyna sholý.
Bul qazaq ertegileriniń jınaqtary. Bul kitaptarda haıýanattar jaıly, turmys - salt ertegileri, shynshyl ertegileri, qıal - ǵajaıyp ertegilerdiń túrleri bar. Ózderiń aıtyp ketken aıdahar da, jeztyrnaq ta, ushqysh kilem de, han men hanshaıymdardy da osy ertegilerden taba alasyzdar.

Oqýlyqpen jumys
- Ertegini oqý
- Bular qandaı ertegilerden alynǵan úzindi?
- «Qańbaq shal» men «Altyn saqa» ertegilerin eske túsirý
- Qańbaq shal men Mystan kempirge minezdeme berý.(aýyzsha)
Qańbaq shal ------Mystan kempir
Aqyldy -----------Usqynsyz
Aılaker -----------Kári
Jeńil --------------Tisteri úlken, ótkir t. s. s
Praktıkalyq jumys
RAFT strategıasymen jumys
Ról – ertegi keıipkerleri
Aýdıtorıa – oqýshylar, tyńdarmandar
Forma – sýret, aryz - shaǵym, tilek.
Taqyryp – «Ertegi keıipkerleri»
- Ertegilerdegi unatqan keıipkerlerińdi, unaǵan úzindini beıneleı otyryp, sol keıipkerlerdiń róline enip aryz - shaǵym aıtý nemese tilek aıtýlaryńyz kerek. Olaı bolsa, İske sát! Jumystaryńyzǵa kirisińizder.
Praktıkalyq áreket
Sergitý sáti
Qylqalamdy qoıaıyq
Ornymyzdan turaıyq
Qolymyzdy sozaıyq
Ońǵa qaraı ıilip
Solǵa qaraı ıilip
Belimizdi jazaıyq
Aınalaǵa qaraıyq
Otyraıyq, turaıyq
Biz tynyǵyp alaıyq
Tynyǵyp biz alǵan soń
Ásem sýret salaıyq
(Sýretterin jalǵastyryp salý)
- Sýretterin aıaqtaǵan oqýshylar beınelegen keıipkerleriniń róline enip, aryz - shaǵymdaryn, tilekterin aıtady.(oqýshylardy tyńdaý)

Qorytyndy
- Erteginiń qaı bólimin saldyń?
- Qaı keıipker unady? Nelikten?
Baǵalaý
Aýyzsha baǵalanady.
Úıge tapsyrma berý.
Ózderiń biletin ertegilerdegi keıipkerlerdi beıneleý.