InfoHub Logo

Ápendi shaı iship otyrǵanda, esegi bazardy kezip ketedi. Kókónis satyp jatqan qatarǵa baryp, sábiz, qıar salǵan kárzeńkelerdi typ-tıpyl etedi. Esek qashyp bara jatyp, qumyrashynyń úıip qoıǵan qysh ydystaryn da qıratyp ketedi.

Bazardaǵy bar satýshy shaıhanaǵa kelip:

— Eı, Ápendi, mynaý seniń esegiń be? — deıdi.

— Iá.

— Onda shyǵyndy tóle!

— Nege tóleımin! Sábizdi men jedim be, qumyralardy men qırattym ba?

— Joq, biraq seniń esegiń ǵoı.

— Aha, — deıdi Ápendi, — munyń bárin men emes, esek istedi ǵoı.

Biraq ashýlanǵan saýdagerler basylatyn emes. Muny sezgen Ápendi:

— Barlyq esekti osynda alyp kelińder! — deıdi.

Bazardaǵy bar esekti aıdap kelgende, Ápendi tómen túsip, esegine jaqyndap:

— Sen ne degen ońbaǵansyń, esektiń balasy, men seni osylaı tárbıeledim be? Uıatsyz! Má, sazaıyńdy bereıin! Al sender, kurmetti esekter, senderge de sabaq bolsyn! — deıdi aıqaılap.

Esegin biraz taıaqtap alady da:

— Mine, sazaıyn tartty, esek basqa esekterdiń kózinshe jazasyn aldy. Ádildik jeńdi! — dep Ápendi bul isti tyńdyryp, shaıyn ishýge shaıhanaǵa bettegen eken.

---