tengrinews.kz
Esepshi oıynqumarlyqqa salyndy: 100 mıllıon teńgeden astam qarjyny qumar oıynǵa jáne jańa kólikke jumsady
Batys Qazaqstan oblysyndaǵy memlekettik mekemeniń esepshisi oıynqumarlyqqa salynǵandyqtan, 118 mıllıon teńge búdjet qarajatyn urlap, onyń bir bóligine jańa kólik satyp alǵan.
Bul týraly Infohub.kz aqparat agenttigi habarlaıdy.
Oblystyq prokýratýranyń baspasóz qyzmetiniń málimetinshe, kásiporyn qyzmetkeri aqshany «1XBet» býkmekerlik keńsesindegi qumar oıyndaryna jumsaǵan. Jalpy memleketke keltirilgen shyǵyn 118 mıllıon teńgege jetken.
Qylmystyq is qozǵaldy
Bul derek boıynsha, bóten múlikti asa iri mólsherde zańsyz ıemdený faktisi boıynsha sotqa deıingi tergeý bastaldy. Qazirgi tańda kúdikti qamaýǵa alynyp, tergeý ızolátoryna toǵytyldy. Ol satyp alǵan kólikke de tyıym salyndy.
Prokýratýra organdary 2025 jyly aımaqta 16 memlekettik qyzmetkerdiń qumar oıyndarǵa qatysqany úshin jumystan bosatylǵanyn eske saldy.
-
Qazaqstan men Qyrǵyzstan arasyndaǵy jerdi jalǵa alý týraly kelisimge qol qoıyldy. Bul kelisim boıynsha Qazaqstanǵa 49 jylǵa 58,8 gektar jer beriledi.
-
Qazaqstannyń básekelestikti qorǵaý agenttigi FlyArystan áýe kompanıasynyń jol júk asyp ketýine baılanysty biryńǵaı aqy alý tájirıbesin tekserip jatyr.
