InfoHub Logo

Qazaq tili páni boıynsha jyldyq kúntizbelik jospar, 7 synyp
Kúndelikti sabaq jospary, qazaq tili 7 synyp.
Taqyryptar:
56. Esimsheniń sóılemdegi qyzmeti
57. Kósemsheniń túrlenýi
58. Kósemsheniń sóılemdegi qyzmeti
59. Dıktant
60. Qatemen jumys

Qazaq tili 7 – synyp
Sabaqtyń taqyryby: Esimsheniń sóılemdegi qyzmeti
Sabaqtyń maqsaty:
a) Esimsheniń sóılemde atqaratyn qyzmetin túsindirý, sóılemderdi sıntaksıstik taldaýǵa mashyqtandyrý;
á) oqýshylardyń oılaý qabiletin sabaqqa degen qyzyǵýshylyǵyn arttyrý, negizgi máselelerge asa kóńil bólýge úıretý;
b) Sabaq barysynda oqýshylardy saýatty, kórkem jazýǵa daǵdylandyrý;
Sabaqtyń túri: aralas sabaq
Sabaqtyń ádisi: suraq – jaýap, túsindirý, taldaý
Sabaqtyń kórnekiligi: úlestirmeli kespe qaǵazdar, tablısalar
Pánaralyq baılanys: ádebıet

Sabaqtyń barysy:
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý. Synyptyń tazalyǵyna kóńil bólý. Oqýshylardyń zeıinin sabaqqa aýdarý.
á) Úı tapsyrmasyn pysyqtaý:
Úıge berilgen jattyǵýdy tekseremin. Kespe qaǵazdardy úlestirip jaýap talap etemin.
1. Buıryq raı degenimiz ne? 2. Raı kategorıasy degenimiz ne?
3. Raıdyń neshe túri bar? 4. Ashyq raı qalaı jasalady?
5. Esimshe qandaı jurnaqtar arqyly jasalady?
b) Jańa sabaqty túsindirý:
Esimshe ári esim, ári etistik máninde qoldanylatyndyqtan, yńǵaıyna qaraı sóılemniń barlyq múshesiniń qyzmetin atqara alady.
▪ Bastaýysh
Esimshe ataý septikte turyp zattanyp, bastaýysh qyzmetin atqarady.
Únsiz kúlip turǵan - baǵanaǵy shákirt bala.
▪ Baıandaýysh
Esimshe jiktelip kelip, sóılemniń baıandaýysh qyzmetin atqarady.
Ekeýi de jarytyp, tis jaryp sóılemeıtin.
▪ Tolyqtaýysh
Esimshe ataý men ilikten basqa septikterdiń birinde turyp tolyqtaýysh qyzmetin atqarady.
Uıalǵandy, jaýap aıtpaǵandy keshirmeıtin áke minezi Abaıǵa málim.
▪ Anyqtaýysh
Esimshe zat esimmen tirkesip kelip nemese ilik septikte turyp anyqtaýysh qyzmetin atqarady.
Kóshken aýyldy izdep tabalyq.
▪ Pysyqtaýysh
Esimshe barys jáne jatys, shyǵys, kómektes septikteriniń birinde turyp nemese shylaý sózdermen tirkesip kelip pysyqtaýysh qyzmetin atqarady.
Bilmekke ketti kóńili jónin surap.

Jattyǵýmen jumys: 192 - jattyǵý. Esimshelerge tulǵalyq taldaý jasap, olar sóılemniń qaı múshesi bolyp turǵanyn anyqtańdar.
Jeke oqýshylarmen jumys: Maqal - mátelderdegi esimshelerdiń esimdershe túrlengen tulǵalaryna taldaý jasańdar.
1. Toıdyń bolǵanynan boladysy qyzyq
2. Qoly qımyldaǵannyń aýzy qımyldar.
Taqtamen jumys: Táýeldengen esimshelerdi qatystyryp, sóılem qurastyryp, morfologıalyq taldaý júrgizedi.
Kórgenim, keletini, jazatynyń, kómekteskenińiz, barmaıtyny, tyńdaǵanymyz.
Bilimdi bekitý: Oqýshylardyń túsinbegen suraqtaryna jaýap beremin. Oqýshylarǵa birneshe suraqtar qoıamyn.
Bilimdi baǵalaý: Oqýshylardyń yntasyna qaraı bilimderi baǵalanady.
Úıge tapsyrma: Tómendegi etistikterden ár túrli esimsheler jasańdar da, túrlendirip qoldanyńdar.
Jaz, kómektes, kel, aıt, sóıle, izde, kór, túsin.



Tolyq nusqasyn júkteý