InfoHub Logo

Qazaq tili páni boıynsha jyldyq kúntizbelik jospar, 7 synyp
Kúndelikti sabaq jospary, qazaq tili 7 synyp.
Taqyryptar:
66. Sózderdiń gramatıkalyq baılanysy
67. Sózderdiń baılanysý tásilderi
68. Dıktant
69. Jattyǵýmen jumys
70. Test tapsyrmalary

Qazaq tili 7 - synyp
Sabaqtyń taqyryby: Sózderdiń gramatıkalyq baılanysy
Sabaqtyń maqsaty:
bilimdilik – oqýshylarǵa sózderdiń gramatıkalyq baılanysy týraly túsinik berý, sabaqqa degen qyzyǵýshylyǵyn arttyrý.
damytýshylyq – oqýshylardyń iskerligi men biliktilik daǵdylaryn jetildire otyryp, oılaý qabiletin, sózdik qoryn damytý;
tárbıeligi – oqýshylarǵa týystyq ataýlar týraly uǵym bere otyryp, alys - jaqynyn tanı bilýge shaqyrý.
Sabaqtyń túri: aralas sabaq
Oqytý ádisi: taldaý, suraq - jaýap, shyǵarmashylyq izdenis, kitappen jumys.
Pánaralyq baılanys: qazaq ádebıeti.
Sabaqtyń kórnekiligi: úlestirmeli kespe qaǵazdar, deńgeılik tapsyrmalar t. b.

Sabaqtyń barysy.
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý. Synyptyń tazalyǵyna nazar aýdarý
á) Úı tapsyrmasyn pysyqtaý:
Úıge berilgen jattyǵýdy tekseremin. Ótken sabaqtardy qalaı meńgergenin bilý úshin oqýshylarǵa kespe qaǵazdar úlestirip, jaýap talap etemin.

b) Jańa sabaqty túsindirý:
Sózder oıdy bildirý úshin bir - birimen belgili gramatıkalyq baılanysqa túsip, sóılem quraıdy. Sóılemdegi sózderdiń bir - birimen gramatıkalyq baılanysy ár túrli bolýy múmkin, sózder bir - birimen belgili tásil arqyly baılanysady. Mysaly: Men jazbaımyn óleńdi ermek úshin degen sóılemdegi men jazbaımyn, ermek úshin jazbaımyn bolyp sózder bir - birimen baılanysqa túsken.
Osy sóılemdegi sózderdi baılanystyryp turǵan tulǵalardy alyp tastasaq, sóılem túsiniksiz bolyp qalar edi. Men jazbaımyn óleń ermek. Osydan kórinetindeı, birinshiden maǵynalyq jaǵynan bir - birimen sáıkes, úıles sózder ǵana baılanysa alady. Ekinshiden, sózder belgili bir amal - tásilder arqyly baılanysady.
Jattyǵýmen jumys: 233 - jattyǵý. Kóshirip jazyp, sóılemdegi sózderdi bir - birimen gramatıkalyq baılanysyna qaraı bólek - bólek kóshirip jazyńdar.
Úlgi: Ospan kirip keldi, syrttan kirip keldi, sóıtkenshe kirip keldi.
Taqtamen jumys: Taqtaǵa birneshe sóılem jazyp sıntaksıstik, morfologıalyq taldaý jasaıdy.

Bilimdi bekitý: Oqýshylardyń túsinbegen suraqtaryna jaýap beremin. Ótken taqyrypqa baılanysty birneshe suraqtar qoıamyn.
1. Gramatıkanyń sıntaksıs salasy neni qarastyrady?
2. Sóılem quraýda sózderdiń bir - birimen gramatıkalyq baılanysqa túsýiniń orny nege erekshe?
3. Til bilimi neshe salaǵa bólinedi?

Baǵalaý: Oqýshylardyń sabaqqa jaqsy qatysyp otyrǵandaryna qaraı bilimderi baǵalanady.
Úıge tapsyrma: 234 - jattyǵý.



Tolyq nusqasyn júkteý