InfoHub Logo

Ánshi Baljan Bıdash ózin synaǵandarǵa ashýmen jaýap berdi. Ol Beıonseniń konsertinen keıin pikir bildirgende, jeli qoldanýshylary oǵan shabýyl jasaǵan.

Bul týraly Infohub.kz aqparat agenttigi habarlaıdy.

Konsertten keıingi pikir

Baljan Bıdash álemdik deńgeıdegi konsertti tamashalap, áserin bóliskende, jelidegiler ony synǵa aldy. Ánshiniń aıtýynsha, ol ózin dáleldeýge tyryspaǵan, tek konserttiń deńgeıi men ánshiniń energıasynan áser alǵanyn jetkizgen.

«Bir kıimmen shyǵyp, birdeme dáleldeýge tyrysqan joq. Ánde de, ózinde de mán jatyr. Energetıkasy myqty eken. Maǵan da osyndaı masshtab juǵysty bolsyn», - degen edi ánshi.

Jeli qoldanýshylarynyń shabýyly

Alaıda, ánshiniń bul sózi jeli qoldanýshylarynyń narazylyǵyn týdyrdy. Olar Baljan Bıdashtyń burynǵy ánderi men Baıan Maqsatqyzyna silteýine baılanysty pikirler qaldyrdy.

«Ól, tiril báribir Keshúda óleń aıtqanyń belgili! Sý ishken qudyǵyńa túkirme degen bar! Baıannan úırengeniń kóp!», «Keshú myqty shoý jasady, sonysymen qyzyq kostúmdarymen de, ne aıtqyńyz keldi bul storıspen?»

Ánshiniń jaýaby

Baljan Bıdash synshylarǵa ashýmen jaýap berip, olardyń oı-órisin synady.

«İshinde tek aramdyq, negatıv oılap turatyn, sanasy tómender, bul konsertti men ózim bolǵan Beıons sıaqty álemdik ánshilermen salystyrdym. Provosırovat etip, araǵa ot salmaı, óz ómirińdi súr!» - dep jazdy ánshi.