Týrar Kazangapov
Eski 10 000 teńge banknottaryn qoldaný merzimi uzartyldy
Ulttyq bank 10 000 teńgelik banknottardyń aınalym merzimin uzartty. Endi bul aqsha belgilerin 2027 jyldyń maýsymyna deıin qoldanýǵa bolady. Bul týraly Ulttyq banktiń baspasóz qyzmetine silteme jasap Infohub.kz habarlady.
Bul sheshim Qazaqstan qarjygerler qaýymdastyǵynyń usynysy negizinde qabyldandy. Jańa sheshimge sáıkes, eski úlgidegi banknottardy esep aıyrysýlarda qosymsha bir jyl boıy paıdalanýǵa múmkindik beriledi. Sonymen qatar, olardy jańa úlgidegi banknottarǵa kezeń-kezeńimen aýystyrý jumystary jalǵasady.
Jańa úlgidegi banknottar
Ulttyq bank «Sak stıli» atty jańa serıadaǵy banknottardy kezeń-kezeńimen shyǵarýdy jalǵastyrýda. Bul proses eski úlgidegi banknottardy jańalaryna almastyrýdy qamtamasyz etetin aınalym tetigin qoldaný arqyly júzege asyrylady.
«Aınalym merzimi aıaqtalǵannan keıin barlyq bankter men «Qazposhta» AQ eski úlgidegi banknottardy jańa úlgidegi banknottarǵa 3 jyl boıy, al Ulttyq bank fılıaldary merzimsiz aýystyryp otyratynyn atap ótemiz», - dep habarlady Ulttyq bank.
Eske sala keteıik, aınalymdaǵy jańa jáne eski úlgidegi banknottardyń ekeýi de zańdy tólem quraly bolyp tabylady. Olar Qazaqstannyń barlyq aýmaǵynda barlyq túrdegi tólemder men aýdarymdar, bank shottaryna esepke alý úshin óz quny boıynsha qabyldanýǵa mindetti.
Buǵan deıin 10 000 teńgelik eski banknottardyń aınalym merzimin bir jylǵa uzartý josparlanǵany habarlanǵan bolatyn. Bul týraly Ulttyq bank tóraǵasy Tımýr Súleımenov jýrnalıserge bergen suhbatynda aıtqan edi.
-
Memlekettik kirister komıteti jeke tulǵalardyń naqty tabysyn anyqtaý úshin júıelerdi biriktiredi. Bul sharalar negizinen alıment tólemeýshilerge jáne basqa da bereshekteri bar azamattarǵa qatysty bolady.
-
Holders of older 10,000 tenge banknotes in Kazakhstan will have more time to use them, with the National Bank extending their circulation period.
