InfoHub Logo

Qazaq tili
Sabaqtyń taqyryby: Etistik
Sabaqtyń maqsaty: Etistik boıynsha ekinshi synypta berilgen bilimdi eske túsirý. Ol zattyń ár alýan is - áreketin, qımyl prosesin bildiretin sóz taby ekendigi, oǵan qoıylatyn suraqtar, etistiktiń zat esimmen baılanysy jóninde berilgen túsinikterdi keńeıtý. Oqýshylarǵa ónerdi, óner adamdaryn baǵalaı bilip, ulttyq mádenıetti tanyp bilýge oı salý.
Damytýshylyq maqsaty: Oqýshylardyń shyǵarmashylyq qabiletin damytý.
Sabaqtyń kórnekiligi: M. Maqataev portreti, «Týǵan jer» taqyrybyna sýret, Altyn balyq, paraqshalar erejeler.
Sabaqtyń túri: Ónege - sabaq.

Sabaqtyń júrý barysy.
İ Uıymdastyrý bólimi.
«Búgin bizdiń sabaqta, altyn balyq qonaqta»
- Balalar, halqymyzdyń, zamanymyzdyń ǵajaıyp aqyndarymyzdyń biri, eren jyldyń jaratýshysy, uly tulǵa, uly aqyn Muqaǵalı Maqataev 70 jasqa toldy. Atamyzdyń qurmetine biz sabaqqa «Altyn balyqty» shaqyrdyq.
- Jóneldik biz kók teńizge
Jatyr teńiz jaı demalyp
Shaqyrdyq biz «Altyn balyq»
Kelip jetti ol qýanyp.
- Ne suraısyń, balalar,- dedi Balyq.
- Balyq taqsyr amansyń ba?
Shaqyrýdy qup aldyń ba?
Sonaý alys teńizden
Jaqsylyqpen kele aldyń ba?- dedi.
Balyq:
- Jónele ber balalar,
Tilegińiz oryndalar.
Mine, balalar búgin bizde sabaqta
«Altyn balyq» qonaqta.
«Altyn balyq» sizderge qur alaqan kelgen joq, ózderiń kútkendeı úlken jańalyqpen, halqymyzdyń aqıyq aqyny Muqaǵalı atalardyń týraly kóptegen málimetter alyp keldi. Ol málimettermen «Altyn balyq» sizderdi tanystyrmas buryn Zat esim týraly biletin bilimderińizdi aýyzsha tekserdi.
1. Kitap - qandaı zat esim?
2. Muqaǵalı - qandaı zat esim?
3. Oqýshy - qanda zat esim?
4. Dop - qandaı zat esim?

Rebýs sheshý. «Etistik» (Jazdyramyn)
- Etistik degenimiz ne?
- Ol qandaı suraqtarǵa jaýap beredi?
- Qımyl is - áreketti bildiredi
- Mysal keltireıin. Men ne istedim?
- Asqat, tura ǵoı. Asqat ne istedi? Asqat turdy.
- Dáriger ne istedi? Dáriger emdedi
- Muǵalim ne istedi? Muǵalim túsindirdi.
- Aqyn ne istedi? Aqyn óleń jazdy.
Sonymen qımyldy, is - áreketti bildiretin sóz tabyn etistik deımiz. Etistikke: ne istedi? qaıtti? ne qyldy? degen suraqtar qoıylady. (ereje qoldaný)