Eýroodaq mıgrasıa talaptaryn kúsheıtip jatyr
Eýropalyq Odaq kóshi-qon saıasatyn qaıta qarastyryp, eleýli ózgerister engizýdi qolǵa aldy. Jańa bastamanyń sheńberinde Eýrokomıssıa qaýipsiz elderdiń resmı tizimin jarıalady. Bul tizimge engen memleketterden kelgen mıgranttar bosqyn mártebesin ala almaı, óz elderine qaıtarylýy múmkin.
2025 jylǵy 16 sáýirde belgili bolǵandaı, tizimge jeti el kirdi: Bangladesh, Kolýmbıa, Kosovo, Egıpet, Úndistan, Marokko jáne Týnıs. Bul jańa erejeler EO-ǵa múshe memleketterge bosqyn mártebesine qatysty ótinishterdi jyldam qaraýǵa, sondaı-aq ótinishi qabyldanbaǵan azamattardy jedel elderine qaıtarýǵa jol ashady.
Eýrokomıssıa ókilderi bul ózgerister kóshi-qon qyzmetterine túsetin júktemeni azaıtyp, júıeni tártipke keltirýge baǵyttalǵanyn málimdedi. Mıgrasıa máseleleri jónindegi komısar Magnýs Brýnner: «Kóptegen memleketter ótinishterdiń shekten tys kóbeıip ketkenine alańdaýly. Sondyqtan sheshim qabyldaý úderisin jedeldetý – basty mindetterdiń biri», – dedi.
Bul jańashyldyq Eýropaǵa qonys aýdarǵysy keletin qazaqstandyqtarǵa da áser etýi múmkin. Sebebi talaptardyń kúsheıýi, ásirese bosqyn mártebesin alýǵa nıettilerge aıtarlyqtaı kedergi keltirýi yqtımal.
You Might Also Like
-
Forbes dástúrli álemdik mıllıarderler tizimin jarıalady. Bıyl reıtıńke 3028 mıllıarder endi, bul 1987 jyldan beri rekordtyq kórsetkish. Tizimdegilerdiń jıyntyq baılyǵy 16,1 trln dollardy quraıdy.
-
AQSH-tyń arnaıy ókili Kıt Kellog Ýkraına men Reseı arasyndaǵy qaqtyǵysqa qatysty birqatar mańyzdy málimdeme jasady. Onyń aıtýynsha, soǵys órshı túskenimen, eki tarap ta ózderiniń túpki maqsattaryna je...
