InfoHub Logo

Alpi taýlarynyń astynan ótetin álemdegi eń uzyn temirjol týnneliniń qurylysy Eýropada bastaldy. Bul aýqymdy joba Avstrıa men Italıany baılanystyryp, Eýropanyń soltústigi men ońtústigi arasyndaǵy transeýropalyq temirjol dáliziniń mańyzdy bóligi bolady.

Bul týraly Infohub.kz aqparat agenttigi habarlaıdy.

Týneldiń erekshelikteri

Jobanyń basshysy Sebastán Raımannnyń aıtýynsha, bul týnel – búkil eýropalyqtardyń ortaq eńbegi. Qurylys jumystaryna 11 elden mamandar men jetekshi eýropalyq kompanıalar tartylǵan.

Týneldi qazý úshin qýattylyǵy 6000 at kúshine teń arnaıy burǵylaý mashınalary qoldanylady. Bul mashınalardyń keıbiriniń bıiktigi 20 metrge jýyqtaıdy jáne júzdegen metrge sozylady.

Jobanyń mańyzy

64 shaqyrymdyq bul temirjol týnneli tek kólik qatynasyn jaqsartýmen shektelmeıdi. Ol Eýropanyń ekonomıkalyq jáne kólik ınfraqurylymyn damytýǵa zor úles qosady. Bul joba Eýropanyń ıntegrasıalanýyna jáne ártúrli elder arasyndaǵy baılanysty nyǵaıtýǵa baǵyttalǵan mańyzdy qadam bolyp sanalady.