InfoHub Logo

Eıjn fıshıng (aǵyl. asian-fishing) - jaqynda paıda bolǵan jańa termın. Adamdar ony endi ǵana qoldana bastaǵanymen, azıalyq áıelderdiń fetıshızasıa jáne seksýalızasıadan ótýdiń kóp jyldyq tarıhy bar.

Eıjn fıshıngtiń ne ekenin jáne ony problemaly etetin sebepterdi qarastyraıyq.

Eıjn fıshıng - azıalyq emes adamnyń ádemilik úshin óziniń bet-kelbetin ádeıi Shyǵys azıalyqqa uqsastyryp ózgertý qubylysy. Osy maqsatqa qol jetkizý úshin adamdar makıaj, plasıkalyq operasıalar men fotoshopty qoldanady. Soǵan qosa, stereotıpti kospleıler (ıapondyq qyzdardyń mektep formasy nemese anımeden shyqqan bıkeshter) jasaý da eıjn fıshıngke jatady

Azıalyq patrıarhaldyq mádenıet ózderiniń áıelderi úshin burmalanǵan sulýlyq úlgilerin bekitti. Osyǵan sáıkes, azıalyq áıelder moıynsunǵysh, jas, aryq jáne qýqyl betti bolýy tıis (muny siz mýzyka jáne kıno ındýstrıalarynda baıqaı alasyz). Bul sulýlyq standartyn er adamdar tolyǵymen qalyptastyrady, ıaǵnı ol áıelder úshin yńǵaısyz jáne ıkemsiz, óıtkeni olardyń oı-pikirlerine kóńil bólinbegen. Azıalyq áıelder osy standarttardan uzaq ýaqyt boıy zardap shegip keledi jáne oǵan qarsy turýǵa kúsh jumsaıdy. Azıalyq emes násildiń ókilderi "estetıkaǵa" eliktegende, olar bul sulýlyq úlgisine ózinen ózi sáıkes keledi, al onyń artynda turǵan máseleni jáne tarıhty túsinbeıdi

“Túlki kózderi” trendi qazir óte tanymal. Buǵan kosmetıka nemese skochty qoldaný, kózdiń qıǵash áserin jasaý nemese sýretke túsý kezinde kózdiń buryshtaryn joǵary qaraı tartý kiredi. Osy qubylystyń jarqyn mysaly - amerıkandyq ánshi Arıana Grande. On jaqtaǵy foto 2010-shy jyldary túsirilgen, al ekinishisi 2021-shi jyly ánshiniń Instagram paraqshasynda shyqqan. Kózdiń pishini ózgergeni baıqalǵanymen qatar, Arıananyń sol kezdegi trendte bolǵan azıalyq modaǵa júgingendigin de ǵalamtor qoldanýshylary baıqaǵan.

Azıalyq áıelderdi fetıshtendirý azıalyq qaýymdastyqqa qatty zıanyn tıgizdi. Azıalyq emes adamdar áleýmettik jelige "seksýaldy azıalyq anıme qyzynyń" sýretterin jarıalaǵan kezde, olar eıjn fıshıngpen aınalysý arqyly azıalyq áıelderdi fetıshtendirýdi qoldaıdy. Alaıda, olar zardap shekpeıdi, azıalyq áıelder zardap shegedi.

CBS News habarlaýynsha, "uzaq ýaqyt boıy amerıkandyq azıalyq áıelderdiń tájirıbesiniń bir bóligi bolǵan mızogınıa men jynystyq zorlyq-zombylyq tarıhyn elemeý múmkin emes. AAPI-de habarlanǵan oqıǵalardyń úlken sany (64,8%) kóptegen oqıǵalarda áıelder jynystyq qýdalaýdy sıpattady jáne bir ýaqytta násilshildikke tap boldy, bul COVID-19 jynystyq qýdalaý sheńberinde qarý retinde qalaı qoldanylatynyn kórsetti".

Eıjn fıshıng, eń aldymen, azıalyq áıelderdiń ómirine qaýip tóndiredi. Al "zıansyz" trendter ishki kúres pen kemsitýshiliktiń kóp jyldyq tarıhyn jasyrady. Osy sebepti, eıjn fıshıng sán bolýdy toqtatyp, tanymal bolmaýy kerek.

Rashıd Arýjan

---