InfoHub Logo

Bıologıa 6 synyp
Sabaqtyń taqyryby: Lalagúl tuqymdastar. Gúli men jemisiniń qurylysyndaǵy erekshelikter, tirshilik formalary. Jabaıy ósetin, mádenı, dárilik, mańyzdy halyq sharýashylyǵynyń ósimdikteri.
zerthanalyq jumys. Lalagúl tuqymdasy ósimdikteriniń gúli men jemisiniń qurylysy.
Sabaqtyń maqsaty: Lalagúl tuqymdastarynyń gúli men jemisiniń qurylysy, tirshilik formalary, sharýashylyqtaǵy mańyzy týraly bilimdi qalyptastyrý.
Mindeti:
Bilimdiligi: atalǵan tuqymdastyń gúlin, jemisin, sabaǵyn, japyraǵyn qaraý, gúl formýlasyn basqa ósimdiktermen salystyrý, ár saladaǵy mańyzyn bilý
Tárbıeliligi: oqýshylardy óz betimen izdenip, qosymsha aqparattardy alýǵa, tanymdyq, shyǵarmashylyq qabiletterin damytýǵa tárbıeleý.
Damytýshylyǵy: óz oıyn erkin jetkizip, sóıleý, oılaý qabiletterin arttyrý, óz eliniń tabıǵatyn, ósimdikter álemin qorǵaýǵa, mańyzyn bilýge damytý.
Kórnekiligi: slaıdtar, elektrondy oqýlyq, úlestirmeli tapsyrmalar,
Pánaralyq baılanys: geografıa, ekologıa, salaýattaný
Sabaqtyń túri: jańa bilimdi meńgerý
Sabaqtyń ádisi: suraq - jaýap, «mıǵa shabýyl», «qyzyǵýshylyqty oıatý», «ıesin tap», « syzyqtyq dıktant», «eki juldyz, bir tilek»

Sabaqtyń barysy:
İ. Uıymdastyrý
1. Sálemdesý
2. Synypty túgendeý
3. Sabaqqa daıyndaý

İİ. Úı tapsyrmasyn suraý
«Syzyqtyq dıktant». eger durys jaýap bolsa «+» al qate jaýap bolsa «-« belgisin qoıamyz.
1. Kúrdeligúldiler dep atalýy gúliniń ár túrli bolýynda
2. Kópshiligi shóptekti bolyp keledi.
3. Kúnbaǵys bul tuqymdasqa jatpaıdy.
4. Bulardyń jemisi tuqymsha bolyp esepteledi.
5. Dárilik túrlerine túımedaq, baqbaq, dármene degen túrleri jatady

İİİ. Jańa sabaq
«Qyzyǵýshylyqty oıatý» satysynda suraqtar beriledi.
- Sýretke qarap gúldiń ataýyn tabyńyz. Bul gúl týraly ne bilemiz? Taǵy osyǵan uqsas qandaı gúlderdi bilesizder?
Jańa sabaqtyń taqyryby ashylyp, oqýshylar oqýlyqpen jumys isteıdi.
Ár topqa tuqymdasqa tán belgilerdi toptastyrý
İ top - Lalagúldilerge tán erekshelikter
İİ top - kúrdeligúldiler men lalagúldilerdi salystyrý
İİİ top Lalagúldilerdiń halyq sharýashylyǵyndaǵy mańyzyn anyqtaý
IV top - Lalagúldiler tuqymdasyna jatatyn gúlderdi sıpattaý «lapyz, qurtqashash, lalagúl)

Lalagúl tuqymdasy (Liliaceac) — dara jarnaqtylar klasyna jatatyn kóp jyldyq túınek jýashyqty, keıde tamyrsabaqty shóptesin, butashyq ósimdikter. Eýrazıa, Afrıka, Amerıka qurlyqtarynyń dalaly, taýly aımaqtarynda ósetin 3 myńǵa jýyq túriniń Qazaqstanda 21 týysy men 196 túri kezdesedi. Gúlsıdam sabaqtary japyraqty, keıde japyraqsyz. Japyraqtary qandaýyr, taspa, júrek pishindi, saǵaqty, bútin jıekti. İri jáne usaq gúlderi qos jynysty, jeke jetiledi, keıde gúlshoǵyry sypyrtqy gúlshoǵyryna toptanǵan. Jemisi — qorapsha keıde jıdek. usaq tuqymdary shashylý arqyly, keıbireýleri jel, qumyrsqa arqyly taralady. Qazaqstanda kóbirek kezdesetin jáne mańyzdy týysy — jýa (Allium). Olar — kóp jyldyq shóptesin ósimdikter. Jýanyń 108 túri dalalyq shól, shóleıt jerlerde, ásirese, taýly aımaqtarda ósedi.