InfoHub Logo

Uıymdastyrylǵan is – árekettiń
№ tehnologıalyq kartasy
Toptyń jas ereksheligi: № 4 ΙΙ sábıler toby
Bilim berý salasy: «Qatynas»
Bólim: Til damytý
Taqyryby: «Ǵajaıyp qalta» (dıdaktıkalyq oıyn) Tildiń dybystyq mádenıeti.
Maqsaty: Dıalogtik sóıleýde sózderdi durys, anyq aıtýǵa, suraýly sóılemderdi daýys ıntonasıasyn saqtap, durys aıtýǵa jattyqtyrý.
Sóılem qarqynyn ózgerte bilýge úıretý (mysaly: aqyryn sóıleý).
Oıynshyqtardy kútip, uqypty taza ustaýǵa tárbıeleý.
Qural – jabdyq: (balalardyń tekshelermen oıyn sýretteri), úlestirmeli materıal.
Sózdik jumys: dop, shar, qýyrshaq, poıyz.
Qostildilik komponent: dop - mách, shar - shar, qýyrshaq - kýkla, poıyz - poezd.

Motıvasıalyq – qozǵaýshylyq
Shattyq sheberinde turyp, bir – birlerine jyly lebizderin bildiredi. Pedagog balalarǵa óleń oqyp beredi.
Qýan, shattan, alaqaı,
Qýanatyn keldi kún!
Qaıyrly tań,
Qaıyrly kún!
Kúlip shyqty búgin kún!

Uıymdastyrýshylyq – izdenistik
Pedagog ǵajaıyp qaltanyń ishinen jumsaq dopty shyǵaryp:
- Mynaý ne? Ózi domalaq, sekiredi, tepseń qashady, oıynymyzdy qandyrady.
Dopty sıpattaýǵa tapsyrma beredi.
- Ol nege uqsaıdy?

Qýyrshaq
Jýynbaıdy jýynsaq,
Bul ne degen qýyrshaq?
Tyǵylmaıdy tyǵylsaq,
Bul ne degen qýyrshaq?
1, 2, 3, 4, 5
Qýyrshaqtyń tusaýyn kes,
Qýyrshaǵym qaz - qaz,
Qydyraıyq az - maz
Bul ne?

Qýyrshaqty sandyqtan shyǵaryp kórsetý. Qýyrshaqty sıpattaý, qaıtalaý.
(Kóılegin, túsin, shashyn, ádemiligin aıtady).
Ǵajaıyp qaltanyń mashına oıynshyqty shyǵarý.

- Mynaý ne?
- Káne, mashınanyń túsi qandaı?
- Balalarǵa taǵyda teksheler ne úshin qajet?(úlken qorǵan qurastyrmaqshy).
- Oıynshyq mashına neden jasalǵan eken? (Ustap kórý, sezý ).
- Ol nege uqsaıdy? (Tekshe, shar, qyzyl, jasyl nemese avtobýs).
Qostildilik komponent: dop - mách, shar - shar, qýyrshaq - kýkla, poıyz - poezd.

Sergitý sáti.
Bóp - bóp, pysh - pý...
Temirjolshy
Men – eń kúshti.
Abaı bolshy,
Menen kútshi.
Jol ashyp qoı,
Kim bar? Pysh – tý!
Jer qashyq qoı!
Bóp - bóp – bóp! Bó - ge – me!
(Á. Tabyldy).
úlestirmeli materıaldarmen jumys.
«Baılanysyn tap!» dıdaktıkalyq oıyny.
Sharty: sýrettegi zattardy bir - birimen sáıkestendiredi.

Ótkizgen: Dúsembekova A. A.
Ǵajaıyp qalta (dıdaktıkalyq oıyn) Tildiń dybystyq mádenıeti. júkteý