InfoHub Logo

Qazaqstandyq kásipqoı boksshy Janqosh Turarov AQSH-taǵy jattyǵý kezinde jeńil salmaqta IBF Inter-Continental chempıony Kıshon Devıspen sparrıng ótkizdi. Jattyǵýdan keıin amerıkalyq sportshy qazaqtardyń myqtylyǵy týraly qyzyqty pikir bildirgen.

Bul týraly Infohub.kz aqparat agenttigi habarlaıdy.

Sparrıngten keıin eki boksshy jaqsy til tabysyp, erkin áńgimelesken. Sol kezde Devıs qazaqstandyq sportshylardyń myqtylyǵyna tańǵalysyn bildirip, onyń sebebin atap ótken.

«Qazaqtar jylqynyń etin jeıdi, sondyqtan da myqty»

«Sparrıngten soń dostasyp kettik. Ol maǵan «Qazaqtar jylqynyń etin jeıdi, sondyqtan da myqty» dep aıtty», – dep bólisti Janqosh Turarov áleýmettik jelide.

Aıta keteıik, Janqosh Turarov (29-0, 20 KO) kásibı mansabynda áli jeńilis kórgen joq. Onyń sońǵy jekpe-jegi 2023 jyldyń qyrkúıek aıynda Almatyda ótken bolatyn. Sol kezde ol fılıppındik Alı Kanegany tóreshiler sheshimimen jeńip, 29-shy ret jeńiske jetti.

Qazirgi tańda qazaqstandyq boksshy AQSH-ta jattyǵýyn jalǵastyryp, kelesi aıqasyna daıyndalýda. Onyń kelesi qarsylasy men jekpe-jek ótetin ýaqyty áli belgisiz.