tengrinews.kz
Germanıadan mıllıon dollarlyq alaıaq ekstradısıalandy: 10 jyldan soń ádil sot aldyna keldi
Qazaqstanǵa Germanıadan asa iri kólemde alaıaqtyq jasady degen kúdikpen shetel azamaty ekstradısıalandy. Bul týraly Bas prokýratýra málimdedi. Atalǵan azamat 10 jyldan astam ýaqyt boıy halyqaralyq izdeýde bolǵan.
Bul týraly Infohub.kz aqparat agenttigi habarlaıdy.
Qylmystyq is boıynsha tergeý
Tergeý barysynda anyqtalǵandaı, 2014 jyly kúdikti bir top adammen aldyn ala sóz baılasqan. Olar kompúter tehnıkasyn jetkizýge kómektesemiz degen jeleýmen qazaqstandyq kásipkerdiń 1 mıllıon dollaryn aldap ıemdengen.
Alaıaqtar izin jasyryp, keıinnen Germanıada ustalǵan. Ol 2025 jyldyń qyrkúıek aıynda ustalyp, Qazaqstanǵa ekstradısıalandy.
Kúdiktige qandaı jaza kútip tur?
Qazirgi ýaqytta kúdikti tergeý ızolátoryna toǵytyldy. Oǵan múlkin tárkileýmen qosa, 10 jylǵa deıin bas bostandyǵynan aıyrý jazasy qarastyrylǵan.
Buǵan deıin de Germanıa Qazaqstanǵa asa iri kólemde alaıaqtyq jasady degen kúdiktini ekstradısıalaǵan bolatyn. 2023 jyldyń qańtar aıynda azamat eki sybaılasymen birge jalǵan fırmalar quryp, qazaqstandyq bıdaıdyń iri partıasyn jetkizemiz dep aldap, 100 mıllıon teńgeden astam qarajatty ıemdengen.
-
Sınoptıkter 18, 19 jáne 20 sáýirge arnalǵan aýa raıy boljamyn usyndy. Eldiń batysy men ońtústiginde jańbyr men naızaǵaı kútiledi.
-
Áleýmettik jelide ıntımdik vıdeosy tarap ketken asaba men onyń jubaıy jaǵdaıdyń ózderine aýyr tıip jatqanyn aıtyp, halyqtan kómek surady.
