InfoHub Logo

Adamdardyń sóıleý belsendiligi sońǵy jyldary azaıyp, kúnine aıtylatyn sóz sany aıtarlyqtaı tómendegeni týraly zertteý nátıjeleri jarıalandy. Bul týraly Infohub.kz aqparat agenttigi habarlaıdy.

AQSH-taǵy Mıssýrı ýnıversıteti men Arızona ýnıversıtetiniń ǵalymdary 10-nan 94 jasqa deıingi 2197 adamnyń aýdıojazbalaryn taldap, qyzyqty derekterge qol jetkizdi. 2005-2019 jyldar aralyǵynda júrgizilgen 22 zertteý barysynda adamdardyń kúnine orta eseppen 338 sózdi az aıtatyny anyqtaldy.

Sóz sanynyń azaıýy

Jalpy alǵanda, 2005 jyldan 2019 jylǵa deıin adamdar kúnine orta eseppen 28 paıyzǵa az sóıleıtin bolǵan. Eger buryn kúnine shamamen 16 600 sóz aıtylsa, qazir bul kórsetkish 11 900 sózge deıin azaıǵan.

Bul degenimiz, bir jylda adamdar shamamen 123 370 sózdi az aıtady eken. Ǵalymdar bul tendensıanyń naqty sebebin áli tolyq túsindire almaı otyr. Bir boljam boıynsha, munyń sebebi tehnologıanyń damýy men jazbasha habarlamalardyń keńinen taralýy bolýy múmkin.

Buǵan deıin qazirgi balalardyń kóbiniń 1-2 jasta emes, 3-4 jasta sóıleı bastaıtyny jáne bul ata-analar úshin úlken máselege aınalyp otyrǵany týraly da habarlanǵan bolatyn.