Photo: Tahir Xálfá (https://www.pexels.com/@tahir) / Pexels
"Ǵashyq bolyp qaldym": Maqpal Júnisovanyń konsertinde kútpegen jaǵdaı oryn aldy
Tanymal ánshi Maqpal Júnisova Mańǵystaýda ótken jeke konserti barysynda erekshe jaǵdaıǵa tap boldy. Konsertti tamashalaýǵa kelgen kórermenderdiń biri sahnaǵa kóterilip, óner ıesine óz sezimin bildirip, tańǵaldyrdy.
Bul týraly Infohub.kz aqparat agenttigi habarlaıdy.
«Sizdi kórý – meniń armanym edi. Sizge ǵashyq bolyp qaldym», - dep kórermen ánshige júgingen. Keıinnen belgili bolǵandaı, bul azamat ánshimen jasty bolyp shyqqan. Ol Maqpal Júnisovamen birge váls bıleýdi usynǵanymen, ánshi bul usynystan sypaıy túrde bas tartty.
Maqpal Júnisova – qazaq estradasynyń kórnekti ókilderiniń biri. Ol 1963 jyly Qaraǵandy oblysynyń Qarqaraly aýdanynda dúnıege kelgen. 1981 jyldan beri «Qazaqkonsert» birlestiginde solıs bolyp eńbek etip keledi. Jas kezinen-aq halyqaralyq baıqaýlarda top jaryp, 22 jasynda Qazaqstannyń eńbek sińirgen ártisi, 31 jasynda Halyq ártisi ataǵyn alǵan.
Ánshi Ál-Farabı atyndaǵy Qazaq ulttyq ýnıversıtetin bitirgen. Qazirgi tańda ol sahnada ǵana emes, bilim berý salasynda da belsendilik tanytyp, profesor qyzmetin atqarady. Lırıkalyq soprano daýysymen erekshelenetin Maqpal Júnisovanyń repertýarynda halyq ánderi, romanstar men jaz týyndylary bar. Onyń oryndaýyndaǵy ánder tyńdarmandardyń júreginen erekshe oryn alǵan.
Qazaq estradasynyń «prımadonnasy» atanǵan ánshiniń konsertteri áli kúnge deıin úlken suranysqa ıe.
-
Sýprýga Alıshera Kaıratova zaıavıla o pravah na pesnú "Almatynyń túnderi-aı", ıspolnáemýıý Kaıratom Nýrtasom. Razbıraemsá v ıstorıı spora.
-
A surprise moment unfolded at Makpal Zhunusova's concert in Mangystau when an audience member took the stage to express his admiration for the renowned singer.
