InfoHub Logo

Ǵasyr indetinen saqtanaıyq!
Maqsaty: Oqýshylarǵa ultymyzdy azǵyndatyp, adamdy kisilik qasıetinen aıyratyn shylym, esirtki, ishimdiktiń adamzatqa tıgizetin zıanyn túsindirý, salaýatty ómir jaıly bilimderin tereńdetý
Mindetteri: • Oqýshylardyń jat ádetterden boılaryn aýlaq ustap, atalǵan zıandy zattardyń aǵzaǵa tıgizer áserin bilý jáne óz densaýlyqtaryna jaýapkershilikpen qaraý sezimderin damytý
• Óz ómiri men densaýlyǵyn baǵalaı bilýge, ony saqtaýǵa daǵdylandyrý
Kútiletin nátıje: Oqýshylar shylym, esirtki, ishimdiktiń adamzatqa tıgizetin zıanyn túsinip, salaýatty ómir jaıly bilimderin tereńdetedi
Resýrstar: Interaktıvti taqta, flıpchart, markerler, qaıshy, jelim, A 4 qaǵazdary

Uıymdastyrý
Oı qozǵaý /5 mın/
Oqýshylarǵa «Aq pen qara» beınejazbasy kórsetiledi. «Beınejazbadan ne túıdińizder?», «Ǵasyr indetin ne dep oılaısyzdar?», «Búgingi taqyrybymyz qandaı dep oılaısyzdar?» suraqtary qoıylyp, taqyryp ashylady.

Muǵalim sózi: Balalar, maǵan osy sabaqty ótedi degennen kóptegen eldi mekenderden ár túrli hattar kelip tústi, sonyń birin senderge oqyp bereıin jáne birge talqylaıyq:
«Óle almaı júrgen syrqatpyn,
Shirigen kartop sekildi,
Buryshynda qalǵan bir qaptyń.
Ózimnen ózim tistenem,
İstegen isime ókinem.
Umytaıyn desem qorqamyn,
Kórmeıtin sumdyq tús kórem.» Jumbaq keıipkerdiń hatyn oqı otyryp, «Jumbaq keıipkerdiń áreketi durys pa?», «Zıandy nárselerden qalaı bas tartýǵa bolady?» suraqtaryna jaýap alyp, oı bólisý.

Topqa bólý /2 mın/
Muǵalim sózi: Balalar, sizder qarańǵy úıge kirip kelip sham jaqsańyz, sham úıdi jaryq qylady. Kóp qyzyl gúldiń ishinen bir aq gúl kórseńiz, kóziń soǵan túsedi. Bizdiń de ómirimizdi jaryq qylatyn, jan - jaǵymyzǵa tamasha sáýlesin shashatyn, ómirdegi basty baılyq ne dep oılaısyzdar?.....
Adam densaýlyǵy - qoǵam densaýlyǵy. Dúnıejúzilik densaýlyq saqtaý uıymynyń erejelerine sáıkes, densaýlyq degenimiz –«Tán aqaýynyń nemese aýrýdyń bolmaýy ǵana emes, sonymen qatar ol rýhanı, áleýmettik saýlyqtyń tolyq mándi teńdigi» delingen.
Túrli - tústi qaǵazdarǵa jazylǵan sózder arqyly «Kesel batpandap kirip, Mysqyldap shyǵady», «Bilimnen qymbat dosyń joq, Aýrýdan beter qasyń joq», «Tátti - dámdi myń bolar, Densaýlyq degen bir bolar» atty maqal - mátelder arqyly «sportshylar», «psıhologtar», «dárigerler» toptaryna bóledi.
«Dárigerler» tobyna shylym, esirtki, ishimdiktiń adamzatqa tıgizetin zıanyn Venn dıagramsyna salý;
«Psıhologtar» tobyna jaǵdaıat beriledi:
«Bir kúni seni jan dosyń bir otyrysqa ertip baratyndyǵyn aıtty. Onda barǵanyńda úlken jıynnyń ústine tústiń. Seni beıtanys adamdar ishimdik ishýge, shylym shegýge shaqyrdy. Dosyń da sol jaǵynda. Buǵan deıin dosyńnyń mundaı ádetterin baıqamapsyń. Osy jaǵdaıda sen ne ister ediń, qandaıda bir shuǵyl sheshim qabyldaısyń ba?». Berilgen sheshiminiń birneshe jaýaptaryn jazý;
«Sportshylar» tobyna salaýatty ómir saltyna poster qorǵaý tapsyrmalary beriledi.