Photo: Ayazhan (https://www.pexels.com/@ayazhan-3173683) / Pexels
Grýzıadan Qazaqstanǵa massaj salonynyń ıesi ekstradısıalandy: oǵan 7 jylǵa deıin bas bostandyǵynan aıyrý jazasy kesilýi múmkin
Grýzıada jasyrynyp júrgen, qylmystyq is boıynsha izdeýde bolǵan azamat Qazaqstanǵa ekstradısıalandy. Ol óz bıznesin zańsyz júrgizý úshin polısıa qyzmetkerine para bermek bolǵan.
Bul týraly Infohub.kz aqparat agenttigi habarlaıdy.
Para berip, qutylmaq bolǵan
Bas prokýratýranyń málimetinshe, jeke kásipker quqyq qorǵaý organdarynan «qutylýǵa» árekettengen. Ol qylmystyq jaýapkershilikten jaltaryp, óz taı massaj salonynyń jumysyn kedergisiz júrgizýdi qamtamasyz etý úshin polısıa qyzmetkerine aqsha usynǵan.
Para bermek bolǵannan keıin kásipker elden qashyp ketip, keıin Interpol jelisi boıynsha halyqaralyq izdeýge jarıalanǵan.
Ustaý jáne ekstradısıa
Qashqyn naýryz aıynda Grýzıanyń Rýstavı qalasynda anyqtaldy. Qazaqstan Bas prokýratýrasynyń resmı suraýy jáne Qazaqstannyń Grýzıadaǵy elshiliginiń qoldaýymen, kúdikti qazaqstandyq arnaıy qyzmetterge berildi.
«Oǵan taǵylyp otyrǵan qylmysty jasaǵany úshin múlkin tárkileýmen qatar, 7 jylǵa deıin bas bostandyǵynan aıyrý túrindegi jaza kózdelgen», - dep habarlady Bas prokýratýra.
Kúdikti Qazaqstanǵa jetkizilip, tergeý ızolátoryna qamaldy.
-
Qazaqstannyń kıno jáne prodúserlik salasyndaǵy eki tanymal tulǵa, "Qyz Jibek" fılminiń basty rólindegi Merýert Ótekeshova men belgili prodúser Baıan Alagózovanyń kezdesýi jurtshylyqtyń qyzyǵýshylyǵyn týdyrdy.
-
A Kazakh national, wanted for attempting to bribe law enforcement to operate an illegal massage parlor, has been extradited from Georgia.
