InfoHub Logo

Belgili jýrnalıs Gúlmıra Ábiqaı «Alash Orda» arnasyna bergen suhbatynda Atyraý oblysynda úlken rezonans týdyrǵan oqıǵaǵa qatysty pikirin bildirdi. Jýrnalısiń aıtýynsha, «Atyraý haker» akkaýntynyń ıesi ózimen tikeleı baılanysqa shyqqan.

Bul týraly Infohub.kz aqparat agenttigi habarlaıdy.

Jýrnalıs pen hakerdiń baılanysy

Gúlmıra Ábiqaı áleýmettik jelide jarıalaǵan vıdeosynan keıin júzdegen adamnan habarlama alǵanyn aıtty. Olardyń kóbi jýrnalıske qurmetpen qarap, vıdeodaǵy adamnyń kim ekenin suraǵan.

«Kosta-Rıkadan sheteldik nómir arqyly «Sálemetsiz be, bul men – "Atyraý hakermin" dep jazdy. Áńgimemiz qańtardyń 4-i kúni boldy. Daýsy jas balaniki sıaqty. Ol ózin áleýmettik jelide jarıalaǵanymdy aıtyp, dezınformasıa taralyp jatqanyn jetkizdi», – dedi jýrnalıs.

Gúlmıra Ábiqaı hakerge: «Siz qandaı jaqsylyq jasadyńyz? Myna chattaǵy ondaǵan adam ótirik aıtyp otyr dep oılaısyz ba?» dep jaýap bergenin aıtty. Haker oǵan dálelder jiberetinin aıtqan, biraq jýrnalıske dálelder qajet emes ekenin, tek oqıǵanyń mán-jaıyn bilgisi keletinin jetkizgen.

Jýrnalıs hakerdiń shetelde qashyp júrgenin jáne onyń ústinen alaıaqtyq baby boıynsha tórt qylmystyq is qozǵalǵanyn málimdedi.